काठमाडौं । पूर्वराजा ज्ञानेन्द्र शाह को ८०औँ जन्मदिनका अवसरमा शाही युवा शक्तिले मंगलबार काठमाडौंको रत्नपार्क क्षेत्रमा र्याली आयोजना गरेको छ।
र्यालीमा सहभागीहरूले राष्ट्रिय झण्डा तथा पूर्वराजा ज्ञानेन्द्र शाहको तस्वीर बोकेर जन्मदिनको शुभकामना व्यक्त गरेका थिए। कार्यक्रमका क्रममा राजसंस्थाको समर्थनमा विभिन्न नारा समेत लगाइएको थियो।
रत्नपार्क आसपासबाट सुरु भएको र्यालीमा राजसंस्थाप्रति ऐक्यबद्धता जनाउँदै सहभागीहरूले विभिन्न सन्देशमूलक प्लेकार्ड पनि प्रदर्शन गरेका थिए।
पूर्वराजा ज्ञानेन्द्र शाहको जन्मदिनका अवसरमा हरेक वर्ष राजसंस्थाको समर्थन गर्ने विभिन्न समूहहरूले शुभकामना कार्यक्रम तथा र्याली आयोजना गर्दै आएका छन्।
