काठमाडौंन । नेपाली कांग्रेसका वरिष्ठ नेता गोपालमान श्रेष्ठको निधन भएको छ। उपचारका क्रममा जावलाखेलस्थित हेलिअस अस्पतालमा मंगलबार उनको निधन भएको हो।
श्रेष्ठ पछिल्लो समय पेटसम्बन्धी स्वास्थ्य समस्याबाट पीडित थिए। उपचारकै क्रममा उनको स्वास्थ्य अवस्था गम्भीर बनेपछि अस्पतालमै निधन भएको जनाइएको छ।
नेपाली कांग्रेसका अनुसार श्रेष्ठको पार्थिव शरीरमा बुधबार बिहान ८ बजेदेखि ११ बजेसम्म पार्टी केन्द्रीय कार्यालयमा श्रद्धाञ्जली अर्पण गर्ने व्यवस्था मिलाइएको छ। त्यसपछि शवयात्रासहित उनको पशुपति आर्यघाटमा अन्त्येष्टि गरिनेछ।
कांग्रेसले श्रेष्ठको निधनप्रति दुःख व्यक्त गर्दै पार्टी र नेपालको लोकतान्त्रिक आन्दोलनमा उनले पुर्याएको योगदानको स्मरण गरेको छ।
