काठमाडौँ । भारतलाई सोझो सेटमा हराउँदै काजकिस्तान काठमाडौँमा जारी काभा महिला भलिबल च्याम्पियनसिपको फाइनलमा पुगेको छ ।
बिहीबार काठमाडौँको त्रिपुरेश्वरस्थित राष्ट्रिय खेलकुद परिषद्को कभर्डहलमा सम्पन्न पहिलो सेमिफाइनलमा काजकिस्तानले भारतलाई ३-० को सोझो सेटमा पराजित गर्दै फाइनलमा पुगेको हो । काजकिस्तानले २५-२१, २५-१७ र २५-१४ ले जित हासिल गरेको थियो ।
अब काजकिस्तानले उपाधिका लागि नेपाल र इरानबीचको दोस्रो सेमिफाइनलको विजेतासँग खेल्ने छ । भारतले भने तेस्रो स्थानको लागि शुक्रबार खेल्नेछ ।
