काठमाडौँ । नेपाली कम्युनिष्ट पार्टीका नेता राजेन्द्रप्रसाद पाण्डेले वर्तमान सरकारमाथि गरिब, सुकुम्वासी र निमुखा वर्गको हितविपरीत काम गरिरहेको आरोप लगाएका छन्।
शनिबार राजधानीमा आयोजित अखिल नेपाल महिला संगठन एकताको राष्ट्रिय भेलालाई सम्बोधन गर्दै उनले सरकार जनसरोकारभन्दा टाढिएको टिप्पणी गरे।
पाण्डेले भदौ २३–२४ को ‘जेन–जी आन्दोलन’ योजनाबद्ध घटनाको परिणाम भएको दाबी गर्दै कम्युनिष्ट शक्तिहरूलाई पुनः संघर्षका लागि तयार रहन आग्रह गरे। उनले आन्दोलनका क्रममा राज्यका संवेदनशील संरचना तथा राजनीतिक नेतृत्वका घरमा भएको आगजनीको उल्लेख गर्दै निर्वाचित संसद् विघटन गरिएको आरोपसमेत लगाए।
