काठमाडौं । संघीय संसद्अन्तर्गत आज चार वटा संसदीय समितिको बैठक बस्दैछ। संसद् सचिवालयका अनुसार अर्थ समिति, अन्तर्राष्ट्रिय सम्बन्ध तथा पर्यटन समिति, उद्योग तथा वाणिज्य र श्रम तथा उपभोक्ता हित समिति तथा राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको बैठकमा विभिन्न समसामयिक तथा विधेयकसम्बन्धी विषयमा छलफल हुने कार्यसूची रहेको छ।
अर्थ समिति
शुक्रबार दिउँसो २ बजे बस्ने बैठकमा रसुवा बाढीपछि अर्थतन्त्रमा परेको प्रभावबारे छलफल हुनेछ। साथै, जलवायु वित्तसम्बन्धी अध्ययन उपसमितिले तयार पारेको प्रतिवेदनमाथि पनि छलफल गर्ने कार्यसूची रहेको छ।
अन्तर्राष्ट्रिय सम्बन्ध तथा पर्यटन समिति
बिहान साढे ११ बजे बस्ने बैठकमा त्रिभुवन अन्तर्राष्ट्रिय विमानस्थलको स्थलगत अध्ययन तथा भ्रमणसम्बन्धी विषयमा छलफल हुनेछ। त्यसैगरी समसामयिक विषय र समितिको आन्तरिक बैठक सञ्चालनसम्बन्धी विषयमा समेत छलफल हुने संसद् सचिवालयले जनाएको छ।
उद्योग तथा वाणिज्य र श्रम तथा उपभोक्ता हित समिति
बिहान १० बजे बस्ने समितिको बैठकमा ‘खानी तथा खनिज पदार्थ विधेयक, २०८३’ माथि सैद्धान्तिक छलफल गरिनेछ।
बिहान साढे १० बजे बस्ने बैठकमा गत भदौ १० गते भोटेकोशी लगायतका नदीमा आएको बाढी तथा त्यसबाट परेको प्रभावबारे छलफल हुनेछ। साथै, जलवायु परिवर्तनका असरलगायत विषयमा विज्ञहरूसँग छलफल गर्ने कार्यसूची रहेको संसद् सचिवालयले जनाएको छ।
