काठमाडौँ । वीरगञ्ज नाका हुँदै चालु आर्थिक वर्षको पहिलो १० महिनामा पेट्रोलियम पदार्थको आयातमा उल्लेखनीय वृद्धि भएको छ। भन्सार तथ्याङ्कअनुसार आयात मूल्य र परिमाण दुवैमा परिवर्तन देखिएको छ।
चालु आर्थिक वर्षको १० महिनामा कुल छ थरिका पेट्रोलियम पदार्थको आयात रू १ खर्ब ८१ अर्ब ७० करोड बराबर पुगेको छ। यो गत आर्थिक वर्षको सोही अवधिको तुलनामा रू २५ अर्ब ५३ करोड अर्थात १६ दशमलव ३५ प्रतिशतले बढी हो।
गत आर्थिक वर्षको १० महिनामा भने रू १ खर्ब ५६ अर्ब १७ करोड बराबरका पेट्रोलियम पदार्थ आयात भएका थिए।
वीरगञ्ज भन्सार कार्यालयका सूचना अधिकारी उदयसिंह विष्टका अनुसार पेट्रोलियम आयातबाट चालु आर्थिक वर्षको १० महिनामा रू ६७ अर्ब १९ करोड राजस्व संकलन भएको छ।
पेट्रोलियम आयात विवरण (१० महिनाको तुलनात्मक तथ्याङ्क)
| इन्धन विवरण | चालु आव मूल्य/परिमाण | गत आव मूल्य/परिमाण |
| डिजेल | रू १ खर्ब ५७ करोड मूल्य, ८ लाख ९५ हजार २४६ किलोलिटर | रू ७९ करोड ५७ करोड मूल्य, ९ लाख ८५७ किलोलिटर |
| पेट्रोल | रू ३५ अर्ब ७९ करोड मूल्य, ३ लाख ९० हजार ६१५ किलोलिटर | रू ३१ अर्ब ७१ करोड मूल्य, ३ लाख ६७ हजार ३४४ किलोलिटर |
| एलपीजी ग्यास | रू २५ अर्ब ५४ करोड मूल्य, २४ करोड २७ लाख ३ हजार १५० किलोग्राम | रू ३० अर्ब २८ करोड मूल्य, २६ करोड ४१ लाख १४ हजार ३२६ किलोग्राम |
तथ्याङ्कअनुसार डिजेल र पेट्रोलको आयातमा वृद्धि देखिए पनि एलपीजी ग्यासको आयातमा कमी आएको छ।
पेट्रोलियम आयातमा देखिएको समग्र वृद्धि आन्तरिक माग, उपभोग संरचना तथा आपूर्ति व्यवस्थापनसँग सम्बन्धित रहेको सरोकारवाला निकायहरूले बताएका छन्।
