काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा बुधबार सर्वदलीय बैठक बस्दैछ। बैठक बिहान ११ बजे सिंहदरबारस्थित रास्वपा संसदीय दलको कार्यालयमा बस्ने भएको छ।
रास्वपाका प्रवक्ता जगदीश खरेलका अनुसार बैठकमा उच्चस्तरीय राजनीतिक संयन्त्र गठन तथा विपद् जोखिम न्यूनीकरण र व्यवस्थापनका विषयमा छलफल हुनेछ। विपद्का बेला राजनीतिक दलबीच समन्वय र व्यवस्थापनका विषयमा बैठक केन्द्रित रहने जनाइएको छ।
