२०८३ साउन २७ गते (१२ अगस्ट २०२६) बुधवार, श्रावण कृष्णपक्ष औंसी तिथि परेको छ। आज तिष्य नक्षत्र रहेको छ भने बिहान ८ः५० बजेपछि अश्लेषा नक्षत्र सुरु हुनेछ। चन्द्रराशि कर्कट रहेको आजको दिन समग्रमा मिश्रित प्रभाव बोकेको देखिन्छ। विभिन्न राशिका जातकले आफ्नो काम, पारिवारिक सम्बन्ध, आर्थिक कारोबार तथा व्यक्तिगत निर्णयमा परिस्थितिअनुसार सावधानी र धैर्य अपनाउनुपर्ने देखिन्छ। कतिपय राशिका लागि रोकिएका काम अघि बढ्ने, नयाँ अवसर प्राप्त हुने तथा आर्थिक लाभको सम्भावना रहे पनि केही राशिका लागि बोली, हतारो निर्णय, अनावश्यक खर्च र अरूको भर पर्दा समस्या आउन सक्ने संकेत छन्। त्यसैले आज आफ्नो क्षमता र परिस्थितिको सही मूल्यांकन गर्दै योजनाबद्ध ढंगले अघि बढ्नु लाभदायी हुनेछ।
मेष – Aries
चु, चे, चो, ला, लि, लु, ले, लो, अ
विगतमा गरिएका केही निर्णयले आज काम बिग्रने अवस्था आउन सक्छ। सोचविचार नगरी वचन दिने वा प्रतिबद्धता जनाउने बानीले पछि दुःख पाउनुपर्ने हुन सक्छ। घर–गृहस्थीमा समस्या आउनुका साथै परिवारजनसँग असमझदारी बढ्न सक्छ, जसले गर्दा काममा समेत बाधा पुग्ने देखिन्छ। महत्त्वाकांक्षी योजना सबैसामु सार्वजनिक नगरी गोप्य रूपमा अघि बढाउनुहोला। पशुधन तथा जमिनबाट सामान्य लाभ प्राप्त हुन सक्छ। तर, अरूको भर पर्दा धोका पाउने सम्भावना रहेकाले महत्त्वपूर्ण काममा आफ्नै निगरानी र निर्णयलाई प्राथमिकता दिनुहोला।
वृष – Taurus
इ, उ, ए, ओ, वा, वि, वु, वे, वो
सहयोगीहरूले राम्रो साथ दिनेछन्। रोकिएका काम बन्ने र नयाँ काम सुरु गर्ने अनुकूल समय छ। उद्योग तथा व्यापारमा विशेष फाइदा हुने योग छ। शत्रुहरू परास्त हुनेछन् भने प्रतिस्पर्धीलाई पछि पार्न सकिनेछ। आम्दानी बढ्नेछ र विगतमा गरेका कर्मको उचित प्रतिफल प्राप्त हुनेछ। कृषिबाट सामान्य तथा व्यवसायबाट राम्रो फाइदा लिन सकिनेछ। आज प्रशस्त धन आर्जन गर्ने अवसरसमेत प्राप्त हुन सक्छ।
मिथुन – Gemini
का, कि, कु, घ, ङ, छ, के, को, हा
आज बनाइएका योजना पूर्ण रूपमा कार्यान्वयन नहुन सक्छन्। सोचेका काम समयमा सम्पन्न गर्न नसक्दा महत्त्वपूर्ण अवसर फुत्कने सम्भावना छ। सहयोगी वा हितैषी व्यक्तिले समेत आफ्ना कमजोरीप्रति टिप्पणी वा गुनासो गर्न सक्छन्। बोलीको गलत अर्थ लाग्नाले विवाद उत्पन्न हुने र मान–सम्मानमा आघात पुग्ने सम्भावना भएकाले कुराकानी गर्दा विशेष सावधानी अपनाउनुहोला।
कर्कट – Cancer
हि, हु, हे, हो, डा, डि, डु, डे, डो
आफन्तको साथ र सहयोगले उत्साह बढाउनेछ। नयाँ कामतर्फ अग्रसर हुने अवसर मिल्नेछ भने समय केही फुर्सदिलो रहनेछ। स्वादिष्ट भोजनको आनन्द लिन पाइनेछ। परिवारजनसँग आत्मीयता बढ्नेछ र परम्परालाई समयसापेक्ष रूपमा परिवर्तन गर्न सकिनेछ। प्रतिष्ठा तथा मान–सम्मान प्राप्त हुनेछन्। साथ दिनेहरूको संख्या बढ्दै जानेछ। प्रेम तथा मित्रताको बन्धन अझ कसिलो बन्नेछ। यद्यपि, हडबड गर्ने स्वभावका कारण राम्रो कामसमेत बिग्रन सक्ने भएकाले धैर्यपूर्वक अघि बढ्नुहोला।
सिंह – Leo
मा, मि, मु, मे, मो, टा, टि, टु, टे
अवसरको खोजीमा केही दौडधुप गर्नुपर्नेछ। फाइदाका पछि लाग्दा साथीभाइसँग असमझदारी बढ्न सक्छ। खर्च बढ्नुका साथै आर्थिक अभावसमेत देखिन सक्छ। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। धेरै लगानी गरे पनि कम मात्र फाइदा हात लाग्ने सम्भावना छ। समयमा होस नपुग्दा विभिन्न चुनौतीको सामना गर्नुपर्ने हुन सक्छ। त्यसैले आज हरेक काममा पर्याप्त होसियारी अपनाउनु आवश्यक छ।
कन्या – Virgo
टो, पा, पि, पु, ष, ण, ठ, पे, पो
व्यावसायिक काममा राम्रै फड्को मार्न सकिनेछ। नयाँ जिम्मेवारी प्राप्त हुन सक्छ। लामो समयदेखि रोकिएको काम बन्नुका साथै आम्दानीका स्रोतसमेत बढ्नेछन्। पारिवारिक आवश्यकता पूरा गर्न सकिनेछ। नयाँ काम फेला पर्ने सम्भावना छ। कृषि तथा पशुपालन आदिबाट फाइदा हुने समय छ। उठ्नुपर्ने रकम हातलागी हुनेछ। साझेदारी तथा सट्टापट्टामा विशेष लाभ मिल्नेछ।
तुला – Libra
रा, रि, रु, रे, रो, ता, ति, तु, ते
आफ्नो क्षेत्रमा प्रभुत्व जमाउन सकिनेछ। दाम, इनाम तथा प्रतिष्ठा कमाउने अवसर प्राप्त हुनेछ। सामाजिक कामको दायित्व बढ्नेछ। भूमि, वाहन तथा पैत्रिक सम्पत्तिबाट लाभ मिल्ने योग छ। व्यापारमा प्रशस्त फाइदा हुनेछ। काममा मातापिताको सहयोग प्राप्त होला। प्रतिष्ठित काम गर्ने मौका मिल्नेछ। अरूलाई प्रभावित पारेर आफ्नो काम बनाउन सकिने समय छ।
बृश्चिक – Scorpio
तो, ना, नि, नु, ने, नो, या, यि, यु
स्वास्थ्य कमजोर रहनाले काममा सक्रिय हुन कठिनाइ पर्न सक्छ। जिम्मेवारी भने बढिरहनेछन्। बाध्यतापूर्ण काममै धेरै समय बिताउनुपर्ने अवस्था आउन सक्छ। सहयोगको आशा देखाउनेहरूबाटै धोका पाउने सम्भावना छ। व्यावसायिक काममा खर्च बढ्नेछ। अरूका काममा महत्वपूर्ण समय बित्न सक्छ। समयमा काम पूरा गर्न नसक्दा खिन्नता बढ्न सक्छ। सेवामूलक कामबाट भने प्रतिष्ठा प्राप्त हुनेछ।
धनु – Sagittarius
ये, यो, भा, भि, भु, धा, फा, ढा, भे
आज गरिएको प्रयत्न निष्फलजस्तै हुन सक्छ। काम बिग्रने भयले सताउनेछ। लगानी, दौडधुप, श्रम तथा प्रयत्नको उचित मूल्य नपाइने समय छ। न्यून उपलब्धिमै चित्त बुझाउनुपर्ने हुन सक्छ। नयाँ काममा हात हाल्न केही समय पर्खनु राम्रो हुनेछ। तर, गर्दै आएको कामलाई निरन्तरता दिन सकिनेछ। आश्वासन दिएर झुक्याउने व्यक्तिहरूबाट सतर्क रहनुहोला।
मकर – Capricorn
भो, जा, जि, जु, जे, जो, ख, खि, खु, खे, खो, गा, गि
केही विवादमा पर्न सकिने योग रहेकाले सचेत रहनुहोला। बाध्यताका केही काममा जुट्नुपर्नेछ। तापनि दिन मनोरञ्जनपूर्ण रहनेछ। व्यावसायिक यात्राको सम्भावना छ। आम्दानी प्रशस्त बढ्नेछ। आतिथ्यपूर्ण सम्मान प्राप्त हुन सक्छ। प्रेमको बन्धन कसिनेछ। दाम्पत्य जीवन सुखद तथा समृद्ध बन्ने देखिन्छ। सवारी साधन प्रयोग गर्दा भने विशेष सावधानी अपनाउनुहोला।
कुम्भ – Aquarius
गु, गे, गो, सा, सि, सु, से, सो, द
प्रयत्न गरेमा उपलब्ध अवसरको राम्रो फाइदा लिन सकिनेछ। यात्राबाट विशेष लाभ प्राप्त होला। शत्रु तथा रोगबाट छुटकारा मिल्ने समय छ। मुद्दा–मामिलामा समेत विजय प्राप्त गर्न सकिनेछ। व्यापार तथा उद्योगतर्फ सामान्य फाइदाको योग छ। अधिकारका लागि केही संघर्ष गर्नुपर्ने हुन सक्छ। प्रतिस्पर्धीहरूले अप्ठ्यारोमा पार्ने प्रयास गर्नेछन्। सचेत रहँदा आफ्नो धन अरूको हातमा जानबाट जोगाउन सकिनेछ।
मीन – Pisces
दि, दु, थ, झ, ञ, दे, दो, चा, चि
समयको गतिलाई पछ्याउन नसक्दा केही दुःख पाइनेछ। भौतिक साधन बिग्रनाले पनि लक्ष्य प्राप्त गर्न कठिनाइ हुन सक्छ। अप्ठ्यारा परिस्थितिसँग सम्झौता गर्नुपर्दा मन खिन्न रहन सक्छ। गुरुजनको सहयोग तथा आफ्नो बुद्धिको सही उपयोगले लक्ष्य पहिल्याउन सकिनेछ। प्रतिस्पर्धाले पुरुषार्थी काम गर्ने हिम्मत बढाए पनि संगत तथा खानपानमा सावधानी अपनाउनुहोला।
Read More
