रास्वपाले ‘राइट टु रिकल’का लागि उपसमिति गठन गर्दै

काठमाडौं । सत्तारुढ राष्ट्रिय स्वतन्त्र पार्टी (रास्वपा)ले ‘राइट टु रिकल’ सम्बन्धी दस्तावेज तयार पार्न चार वटा विषयगत उपसमिति गठन गरेको छ।

महामन्त्री विपिनकुमार आचार्यको संयोजकत्वमा रहेको दस्तावेज निर्माण समितिको पहिलो बैठकले उपसमिति गठन गर्ने निर्णय गरेको हो। बैठकले सांसद मनिष खनाललाई समितिको सचिवको जिम्मेवारीसमेत दिएको छ।

रास्वपाका अनुसार ‘राइट टु रिकल’को अवधारणाले निर्वाचित जनप्रतिनिधिलाई मतदाताप्रति थप जवाफदेही र उत्तरदायी बनाउने विषयलाई केन्द्रमा राख्नेछ।

गठन गरिएका उपसमिति

बैठकमा महामन्त्री आचार्यसहित गणेश पराजुली, प्रमोद न्यौपाने, समीक्षा बास्कोटा, अनुष्का श्रेष्ठ, सुलभ खरेल, मनिष खनाल, सुशान्त वैदिक, गजला शमिम मिकरानी र करिस्मा कठरियाको सहभागिता रहेको थियो।