काठमाडौँ । नेपाल क्रिकेट लिग (एनपीएपल) को च्याम्पियन टिम जनकपुर बोल्ट्सले वेस्ट इन्डिजका पुर्व खेलाडी शिवनारायण चन्द्रपाललाई मुख्य प्रशिक्षकमा नियुक्त गरेको छ । 

मंसिर १ गते देखि सुरु हुने एनपीएलको दोस्रो संस्करण अगाडि बोल्ट्सले चन्द्रपाललाई मुख्य प्रशिक्षक बनाएको हो ।

एनपीएलको पहिलो सिजनमा पुबुदु दासानायकेले जनकपुर बोल्ट्सलाई उपाधि दिलाएका थिए ।  ५१ वर्षे चन्द्रपाल वेस्ट इण्डिजका महान क्रिकेटर मध्ये एक हुन् । उनी आईसीसी हल अफ फेममा समावेश भइसकेका क्रिकेटर समेत हुन् । 

चन्द्रपालले वेस्ट इन्डिजबाट १६४ टेस्ट र २६८ एकदिवसीय अन्तर्राष्ट्रिय खेलेका छन् । आफ्नो २१ वर्षे अन्तर्राष्ट्रिय खेल जीवनमा चन्द्रपालले २० हजार भन्दा बढी रन बनाएका छन् ।

२०२२ मा चन्द्रपाल सीपीएलको फ्रेन्चाइज टोली जमैका तलवाहजको प्रशिक्षक बनेका थिए भने सोही वर्ष उनी अमेरिका महिला राष्ट्रिय क्रिकेट टोलीको पनि प्रशिक्षक बनेका थिए । 

आसिफ शेख मार्की खेलाडी रहेको जनकपुर बोल्ट्समा अनिलकुमार शाह, ललित राजवंशी, किशोर महतो, रुपेश सिंह, शुभ कंशाकर र तुलबहादुर थापामगर, सचिन भट्ट, आदित्य महता, मयन यादव र विकास आग्री लगायतका खेलाडी रहेका छन् ।

Read More

काठमाडौँ । घाना फिफा विश्वकप फुटबलमा छनौट भएको छ ।

घाना अफ्रीका क्षेत्रबाट २०२६ को फिफा विश्वकपमा छनौट भएको हो । समुह आइ अन्तर्गतको खेलमा गएराती कोमोरोसविरुद्ध १-० को जित निकालेसँगै घानाको समुहमा १० खेलमा २६ अंक भएको छ र शिर्ष स्थानमा रहेको छ । 

योसँगै घाना पाँचौं पटक विश्वकपमा छनौट भएको छ । योसँगै अफ्रिका क्षेत्रबाट घानासहित अल्जेरिया, इजिप्ट, मोरक्को र ट्युनिसिया विश्वकपमा छनौट भएका छन् ।

यस पटकको विश्वकपमा अफ्रिकाबाट ९ देश छनौट हुने छन् भने एक देशले इन्टर कन्टिनेन्टल प्लेअफ खेल्न पाउने छ ।

Read More

काठमाडौँ । अस्ट्रेलियाले जारी विश्वकपमा भारतमाथि शानदार जित हासिल गरेको छ । गएराती सम्पन्न खेलमा अस्ट्रेलियाले भारतलाई ३ विकेटले पराजित गरेको हो ।

भारतले दिएको ३३१ रनको बिशाल लक्ष्य पछाएको अस्ट्रेलियाले ४९ ओभरमा ७ विकेट गुमाउदै लक्ष्य पुरा गरेको थियो । अस्ट्रेलियालाई जिताउने क्रममा कप्तान एलिसा हेलीले सर्बाधिक १४२ रन बनाएकी थिइन् ।

यस अघि पहिला ब्याटिंग गरेको भारतले ४८.५ ओभरमा अल आउट हुदै ३३० रन बनाएको थियो । भारतका लागि स्मृति मन्दानाले ८० र प्रतिका रावलले ७५ रन बनाएका थिए ।

यो जितपछि अस्ट्रेलिया ४ खेलमा ७ अंकसहित शिर्ष स्थानमा उक्लिएको छ । त्यस्तै भारतको भने यो ४ खेलमा दोस्रो हार हो । भारतको ४ खेलमा ४ अंक रहेको छ र हाल तेस्रो स्थानमा रहेको छ ।

Read More

काठमाडौँ । ओमानमा जारी आइसीसी पुरुष टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिता अन्तर्गत नेपालले आज सुपर सिक्सको दोस्रो खेल आज कतारविरुद्ध खेल्दैछ । नेपाल र कतारविरूद्धको यो खेल नेपाली समय अनुसार राति ८: ४५ बजेदेखि शुरु हुदैछ ।

त्यस्तै सुपर सिक्सको अर्को खेलमा आज युएई र ओमानबीच पनि खेल हुदैछ । यो खेल दिउसो ४: १५ बजेदेखि हुदैछ । 

नेपालले सुपर सिक्सको पहिलो खेलमा युएईविरुद्ध रोमाञ्चक एक रनको जित हासिल गरेको थियो । त्यस्तै कतारले पहिलो खेलमा ओमानसँग हार बेहोरेको थियो । 

नेपालले यो खेलपछि बुधबार ओमानसँग खेल्ने छ भने शुक्रबार सामोआ सँग खेल्ने तालिका रहेको छ ।

विश्वकप छनौट खेल्न रोहित पौडेलको कप्तानीमा १५ सदस्यीय टोली ओमानमा रहेको छ । टिममा रोहित पौडेल (कप्तान), दीपेन्द्र ऐरी (उपकप्तान), कुशल भुर्तेल, लोकेश बम, कुशल मल्ल, आसिफ सेख, मोहम्मद आदिल आलम, करण केसी, नन्दन यादव, सन्दीप लामिछाने, सन्दीप जोरा, आरिफ सेख, ललित राजवंशी, गुल्शन झा र सोमपाल कामी रहेका छन् ।

Read More

काठमाडौँ । नेपालले युएईलाई एक रनले पराजित गरेको छ ।

नेपालले दिएको १४१ रनको लक्ष्य पछाएको युएईले २० ओभरमा ९ विकेट गुमाउदै १३९ रन बनाएको थियो । 

यस अघि टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिताको सुपर सिक्समा टस जितेर पहिला ब्याटिंग गरेको नेपालले २० ओभरमा ६ विकेट गुमाउदै १४० रन बनाएको थियो ।

नेपालका लागि आसिफ सेखले सर्बाधिक ५१ रन बनाए भने कुशल भुर्तेलले २८, कप्तान रोहित पौडेलले २०, गुलशन झाले १४ रन र कुशल मल्लले १० रन बनाएका थिए । त्यस्तै युएईका बलर जुनैद सिद्धिकी, मुहमद रोहिद, जाहिद अली, हैदर अली, हर्षिक कौशिक र ध्रुब पराशरले एक एक विकेट लिएका थिए ।

योसँगै नेपालको सुपर सिक्समा ४ अंक भएको छ । अब नेपालले अर्को खेल सोमबार कतारविरुद्ध खेल्ने छ । 

Read More

काठमाडौँ । नेपालले युएई;लाई १४१ रनको लक्ष्य दिएको छ ।

ओमानमा जारी आइसीसी पुरुष टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिताको सुपर सिक्समा टस जितेर पहिला ब्याटिंग गरेको नेपालले २० ओभरमा ६ विकेट गुमाउदै १४० रन बनाएको हो ।

नेपालका लागि आसिफ सेखले सर्बाधिक ५१ रन बनाए भने कुशल भुर्तेलले २८, कप्तान रोहित पौडेलले २०, गुलशन झाले १४ रन र कुशल मल्लले १० रन बनाएका थिए ।

त्यस्तै युएईका बलर जुनैद सिद्धिकी, मुहमद रोहिद, जाहिद अली, हैदर अली, हर्षिक कौशिक र ध्रुब पराशरले एक एक विकेट लिएका थिए ।

Read More

काठमाडौँ । आइसीसी पुरुष टी-२० विश्वकपको एसिया र इस्ट एसिया–प्यासिफिक क्षेत्रको छनौट प्रतियोगिताको सुपर सिक्सको पहिलो खेलमा ओमानले कतारलाई ३४ रनले पराजित गरेको छ ।

आइतबार सम्पन्न खेलमा ओमानले दिएको १७३ रनको लक्ष्य पछाएको कतारले २० ओभरमा ९ विकेट गुमाउदै १३८ रन बनाएको हो ।

कतारका लागि यस खेलमा शारिक मुनिरले ३४ रन बनाए भने मुहमद असिम र शाहजैब जामिलले २१-२१ रन बनाए । त्यस्तै ओमानका बलर जितेन रमानान्दीले ३ विकेट लिए भने सुफयान मेहमूदले २ विकेट लिए ।

यस अघि ओमानले पहिला ब्याटिंग गर्दै २० ओभरमा ६ विकेट गुमाउदै १७२ रन बनाएको थियो । ओमानका लागि कप्तान जतिन्दर सिंहले सर्बाधिक ६६ रन बनाए भने आर्यान बिष्टले ३४ र विनायक शुक्लाले ३० रन बनाए । त्यस्तै कतारका बलर मिर्जा मोहमद बैगले ४ विकेट लिएका थिए । यो जितपछि ओमानको सुपर सिक्समा ४ अंक भएको छ ।

Read More

काठमाडौँ । भारतविरुद्धको जारी दोस्रो टेस्टमा वेस्ट इन्डिज फलोअनमा परेको छ ।

पहिलो इनिंगमा २४८ रन बनाएर अलआउट भएपछि भारतले वेस्ट इण्डिजलाई फलोअन दिदै फेरी ब्याटिंगका लागि बोलाएको छ । वेस्ट इन्डिजका लागि पहिलो इनिंगमा एलिक अथानाजेले सर्बाधिक ४१ रन बनाए भने शाइ होपले ३६ रन बनाएका थिए । त्यस्तै भारतीय बलर कुलदीप यादवले ५ विकेट लिए भने रविन्द्र जडेजाले ३ विकेट लिएका थिए ।

यसअघि भारतले आफ्नो पहिलो इनिंगमा ५ विकेट गुमाउदै ५१८ रन बनाएपछि इनिंग घोषणा गरेको थियो । वेस्ट इन्डिजले आफ्नो दोस्रो इनिंगको ब्याटिंग समेत शुरु गरेको छ ।

दुई खेलको सिरिजमा वेस्ट इन्डिज १-० ले पछि रहेको छ । 

Read More