काठमाडौँ । भारतीय दूतावासले भारत र नेपाल बीचको यात्रा र त्यहाँको वर्तमान अवस्थाको बारेमा आफ्ना नागरिकका लागि एडभाइजरी जारी गरेको छ ।
नेपालस्थित भारतीय दूतावासले नेपालको स्थितिमा विगत केही हप्ताको तुलनामा सुधार आएको उल्लेख गर्दै सडक यातायात र उडानहरू नियमित रूपमा सञ्चालन भइरहेकोले नेपाल यात्रा गर्ने भारतीय नागरिकहरूलाई सावधानी अपनाउन र भारतीय दूतावास वा स्थानीय अधिकारीहरूले जारी गरेका सल्लाहहरू पालना गर्न सल्लाह दिएको छ ।
भारतीय दूतावासले आफ्ना नागरिकहरूलाई सहयोग गर्न हेल्पलाइन नम्बरहरू, आपतकालीन नम्बरहरू र इमेल ठेगानाहरू पनि जारी गरेको छ, आवश्यक परेमा दूतावासलाई सम्पर्क गर्न सल्लाह दिएको छ ।
