काठमाडौं । नेपाल बीमा प्राधिकरण र एक्चुरियल सोसाइटी अफ नेपालको संयुक्त आयोजनामा आज प्राधिकरणको केन्द्रीय कार्यालय, कुपण्डोलमा बीमाङ्की तथा बीमाङ्की विश्लेषकहरूसँग छलफल एवम् अन्तरक्रिया कार्यक्रम सम्पन्न भएको छ ।

कार्यक्रममा नेपाल बीमा प्राधिकरणका कार्यकारी निर्देशक सुशील देव सुवेदीले बीमा क्षेत्रको विकास एवम् प्रवद्र्धन तथा बीमा क्षेत्रलाई दिर्घकालिन रूपमा स्थापित गर्नका लागि बीमाङ्कीय ज्ञान तथा बीमाङ्कीय जनशक्तिको भूमिका महत्वपूर्ण रहने बताए ।

नेपाल बीमा प्राधिकरणका निर्देशक पुजन ढुंगेल अधिकारीले बीमाङ्की विश्लेषक तथा सुपरीवेक्षकहरूसँग गरिएको सर्भेक्षणको नतिजा प्र्रस्तुत गर्दै समग्र बीमा क्षेत्रमा बीमाङ्की विश्लेषकहरूको सहभागिता बढ्दै गएको जानकारी दिए ।

नेपाल बीमा प्राधिकरणका उपनिर्देशक निर्मला मल्लले जोखिममा आधारित पूँजीको कार्यान्वयन, जोखिममा आधारित पूँजीमा आर्थिक वर्ष २०८१/८२ मा अद्यावधिक भएका व्यवस्था र प्रतिवेदन पेश गर्दा बीमकहरूले ध्यान दिनुपर्ने विषयमा प्रस्तुती गरिन् ।

Read More

काठमाडौँ । जेनजी आन्दोलनका क्रममा भदौं २३ र २४ गतेको प्रदर्शनका क्रममा भौतिक संरचनामा भएको क्षतिको २३ अर्ब २२ करोड ८७ लाख बराबरको बिमा दाबी परेको छ ।

नेपाल बीमा प्राधिकरणले सार्बजनिक गरेको असोज २३ गतेसम्मको विवरण अनुसार सो दाबि गरेको हो । जसमा अहिलेसम्म विभिन्न बीमा कम्पनिहरुले एक अर्ब ५८ करोड ५६ लाख भुक्तानी गरेको प्राधिकरणले जनाएको छ । यस अनुसार दाबि परेको रकमको केवल ६.८२ प्रतिशत मात्र अहिलेसम्म भुक्तानी भएको छ । 

२३ असोजसम्म भएको दाबी भुक्तानीमध्ये सबैभन्दा बढी १ अर्ब ३२ करोड ७२ लाख सम्पत्ति बीमा (घरसम्पत्ति) अन्तर्गतको रहेको छ । सम्पत्ति बीमामा सबैभन्दा बढी १९ अर्ब ६ करोड ७६ लाख दाबि परेको छ ।  त्यस्तै मोटर बीमामा ३ अर्ब ४१ करोड ६ लाख दाबि परेकोमा २४ करोड ९१ लाख मात्र अहिलेसम्म भुक्तानी भएकोछ ।   

भुक्तानी भएकामध्ये पनि धेरै रकम पेस्कीबापत दिइएको बिमा कम्पनीहरूले उल्लेख गरेका छन् ।  गत २३ र २४ भदौको प्रदर्शनमा भौतिक संरचनामा भएको क्षतिमा परेको बिमा दाबीमध्ये साना प्रकृतिका सबै दाबी तिहारसम्म भुक्तानी दिइसक्ने नेपाल बिमक संघले यसअघि नै बताइसकेको छ । बिहीबारसम्म बिमा कम्पनीहरूमा ३ हजार ९९ वटा दाबी परेका छन् । तीमध्ये दुई हजारभन्दा बढी दाबी साना प्रकृति (दुई करोडभन्दा कमका) रहेको र तिनको भुक्तानी आउँदो तिहारसम्म गरिसक्ने बताइएको छ ।

जेनजी आन्दोलनका क्रममा करिब ८० अर्ब बराबरको क्षति भएको नेपाल उद्योग वाणिज्य संघको प्रारम्भिक अनुमान रहेपनि क्षतिको २० देखि २५ प्रतिशत मात्र बिमा भएको देखिएको छ । 

Read More

काठमाडौँ । भदौ २३ र २४ गतेको प्रदर्शनका क्रममा भएको तोडफोड र आगजनीका कारण बीमा कम्पनीहरूमा अहिलेसम्म २० अर्ब ७० करोड रुपैयाँ बराबरको दाबी परेको बीमा प्राधिकरणले जनाएको छ। भदौ महिनाको ३१ गतेसम्म १८ वटा इन्स्योरेन्स कम्पनीमा यति ठूलो दाबी दर्ता भएको हो।

द ओरियण्टल इन्सुरेन्समा सबैभन्दा बढी दाबी परेको छ। कम्पनीमा ४० वटा दाबी दर्ता भई करिब ५ अर्ब १४ करोड रुपैयाँ बराबरको दाबी भएको प्राधिकरणले जनाएको छ।

त्यस्तै, सबैभन्दा कम दाबी ट्रष्ट माइक्रो इन्सुरेन्स मा परेको छ। सो कम्पनीमा जम्मा ४२ करोड रुपैयाँ बराबरको दाबी दर्ता भएको छ। बीमा कम्पनीहरूले दैनिक रूपमा बीमा प्राधिकरणमा दाबीहरूको विवरण बुझाइरहेका छन्। प्राधिकरणले प्राप्त दाबीको विवरण प्रत्येक साताको बुधबार सार्वजनिक गर्ने निर्णय गरेको छ।

भदौ २३ र २४ गतेको प्रदर्शनका क्रममा सार्वजनिक सम्पत्तिदेखि व्यवसायिक भवन, होटल र निजी घरमा समेत तोडफोड र आगजनी भएका थिए। त्यसैको प्रभाव स्वरूप बीमा दाबीको ठूलो चाप देखिएको हो।

Read More

काठमाडौँ । बीमा कम्पनीहरूको नियामक संस्था नेपाल बीमा प्राधिकरणको अध्यक्ष पदका लागि कुल १४ जनाले आवेदन दिएका छन्। प्राधिकरणका तत्कालीन अध्यक्ष शरद ओझा बर्खास्त भएपछि अर्थ मन्त्रालयले सात दिनभित्र आवेदन दिनुपर्ने सूचना जारी गरेको थियो। सोही सूचनाअनुसार देशका विभिन्न जिल्लाबाट उम्मेदवारहरूले आफ्नो दाबेदारी पेश गरेका छन्।

अर्थ मन्त्रालयले सार्वजनिक गरेको विवरणअनुसार ललितपुरका घनश्याम बुढाथोकी, काठमाडौंका बिक्रान्त पाण्डे, बिष्णुबाबु मिश्र, बुद्धकाजी श्रेष्ठ, चिन्तामणी शिवाकोटी, डा. राजेन्द्र पण्डित, र रमेशकुमार भट्टराईले आवेदन दिएका छन्।

यस्तै भक्तपुरका पारस काफ्ले र महेश्वर न्यौपाने, कास्कीका डा. दामोदर बसौंला, झापाका ज्ञानेन्द्र अधिकारी, मोरङका देवकुमार ढकाल, लम्जुङका प्रा. डा. दिपकबहादुर पण्डित र दाङका यज्ञप्रसाद न्यौपाने पनि प्रतिस्पर्धामा रहेका छन्।

अध्यक्ष नियुक्ति प्रक्रियाअनुसार सिफारिस समितिले उम्मेदवारहरूको नामावली प्रकाशित गरेको हो। समितिले अब योग्य उम्मेदवार छनोट गरी मन्त्रिपरिषद्मा सिफारिस गर्नेछ।

Read More

काठमाडौं । सरकारले बिमा प्राधिकरणको अध्यक्ष नियुक्तिको प्रक्रिया अघि बढाएको छ ।

सरकारले राष्ट्रिय योजना आयोगका उपाध्यक्ष प्रा.डा. शिवराज अधिकारीको संयोजकत्वमा समिति बनाएको हो । समितिमा अर्थसचिव घनश्याम उपाध्याय र विज्ञ सदस्यका रूपमा डा. खोमराज खरेल छन् ।  भदौ ९ गतेको मन्त्रिपरिषद्को बैठकले सिफारिस समिति गठन गरेको हो । यो समितिले अध्यक्षका लागि सरकारलाई सिफारिस गरेका तीन जना मध्कोयबाट सरकारले एक जनालाई अध्यक्ष नियुक्त गर्ने व्यवस्था रहेको छ । 

यसअघिका अध्यक्ष शरद ओझालाई सरकारले  बर्खास्त गरेपछि सरकारले अर्थ मन्त्रालयका सहसचिव सेवन्तक पोखरेललाई अर्को व्यवस्था नभएसम्मका लागि नेपाल बीमा प्राधिकरणको अध्यक्ष भई कामकाज गर्न जिम्मेवारी दिएको छ ।

Read More