काठमाडौँ । आगामी आर्थिक वर्ष २०८३/८४ को बजेट प्रस्तुतिका लागि सङ्घीय संसद् सचिवालयले आवश्यक तयारी पूरा गरेको छ।
शुक्रबार दिउँसो ४ बजे संयुक्त बैठक बस्ने छ । सोही बैठकमा प्रतिनिधिसभा निर्वाचनपछिको नयाँ सरकारका अर्थमन्त्री डा स्वर्णिम वाग्लेले बजेट पेस गर्नेछन् ।
नयाँ संसद् भवनको प्रतिनिधिसभा कक्ष प्रयोग गर्ने योजना रहे पनि निर्माणको अन्तिम काम नसकिएकाले बैठक हाल सञ्चालन भइरहेको बहुउद्देश्यीय हलमै हुने भएको छ।
संसद् सचिवालयले सांसदहरूलाई समयअघि नै उपस्थित हुन आग्रह गरेको छ। यता, सीमित स्थानका कारण संवैधानिक निकायका पदाधिकारी, उच्च सरकारी अधिकारी तथा कूटनीतिक प्रतिनिधिहरूलाई भने यसपटकको बैठकमा नबोलाइने भएको छ।
