काठमाडौं । भक्तपुरको मनोहरा खोला किनारस्थित सुकुम्वासी बस्ती हटाउन सुरु गरेको छ । आज बिहानैदेखि ठुलो संख्यामा सुरक्षाकर्मी परिचालन गरेर डोजरले बस्ती हटाउन शुरु गरिएको हो ।
शनिबार साँझ भत्काउन शुरु गरिएको भएपनि स्थानीयले अवरोध गर्दा झडप भएको थियो । झडपमा केहि सुरक्षकर्मी घाइते समेत भएका थिए ।
शनिबार सरकारले काठमाडौंका थापाथली, गैरीगाउँ र शान्तिनगरका नदी किनारका सार्वजनिक र सरकारी जग्गामा बनाइएका बस्तीहरू खाली गरेको थियो । अहिलेसम्म ति बस्तीका १४४ परिवारले आफ्नो सुची दर्ता गरेको सरकारले जानकारी दिएको छ । उनीहरुको घरायसी सामानहरू रंगशाला र कीर्तिपुरको सुन्दरीघाटस्थित राधास्वामी सत्संग ब्यास नेपालमा छुट्टाछुट्टै स्थान सुरक्षित रूपमा राखिएको छ भने उनीहरुलाई विभिन्न होटलमा बसालिएको छ । सरकारले उनीहरुको विवरण भेरिफाइ गरेर छिट्टै व्यवस्थापन गर्ने बताएको छ ।
