काठमाडौं। प्रधानमन्त्री वालेन्द्र शाह (बालेन) र सभामुख डोलप्रसाद (डीपी) अर्यालबीच भेटवार्ता भएको छ। मंगलबार दिउँसो संसद् बैठक सुरु हुनुअघि सिंहदरबारमा उनीहरूबीच भेट भएको हो।
सभामुखको सचिवालयका अनुसार भेटका क्रममा समसामयिक विषयमा करिब आधा घण्टा छलफल भएको थियो।
स्रोतका अनुसार सभामुख अर्यालले प्रधानमन्त्री शाहलाई संसद्मा उपस्थित भएर सांसदहरूले उठाएका प्रश्नको जवाफ दिन आग्रह गरेका थिए। तर, सभामुखको आग्रहमा प्रधानमन्त्रीले स्पष्ट जवाफ नदिएको स्रोतको भनाइ छ।
पछिल्लो समय संसद् बैठकमा प्रधानमन्त्रीको उपस्थिति माग गर्दै प्रतिपक्षी सांसदहरूले प्रश्न उठाउँदै आएका छन्।
