काठमाडौँ । नेपाल प्रिमियर लिग (एनपीएल) अन्तर्गत आजको दोस्रो खेलमा पोखरा एभेन्जर्सले टस जितेर पहिला बलिङ गर्ने निर्णय गरेको छ ।
पोखराका कप्तान कुशल भुर्तेलले टस जितेर बलिङ गर्ने निर्णय गरेका छन् । यो सँगै यस खेलमा विराटनगर किंग्सले पहिला ब्याटिंग गर्ने भएको छ ।
यस अघि आजै सम्पन्न पहिलो खेलमा चितवन राइनोजले कर्णाली याक्सलाई ४ विकेटले पराजित गर्दै सिजनमा विजयी शुरुवात गरेको छ ।
काठमाडौँ । चितवन राइनोजले कर्णाली याक्सलाई ४ विकेटले पराजित गरेको छ ।
नेपाल प्रिमियर लिग (एनपीएल) अन्तर्गत मंगलबार सम्पन्न पहिलो खेलमा चितवनले कर्णालीलाई ४ विकेटले पराजित गरेको हो । कर्णालीले दिएको १६४ रनको लक्ष्य पछाएको चितवनले १९.१ ओभरमा ६ विकेट गुमाउदै लक्ष्य पुरा गरेको थियो ।
चितवनका लागि रवि बोपाराले सर्बाधिक ५२ रन बनाए भने दीपक बोहोराले ४२ र सैफ जैबले ३८ रन बनाएका थिए । त्यस्तै कर्णालीका बलर सोमपाल कामीले २ विकेट लिए भने मार्क वाट र युवराज खत्रीले एक एक विकेट लिएका थिए ।
यसअघि टस हारेर पहिला ब्याटिंग गरेको कर्णालीले २० ओभरमा ३ विकेट गुमादै १६६ रन बनाएको थियो ।
कर्णालीका लागि प्रियांक पंचलले सर्बाधिक ९० रन बनाए भने पवन सराफले २७ रन बनाएका थिए । त्यस्तै म्याक ओ डाउडले २० र मार्क वाटले १६ रन बनाएका थिए । त्यस्तै चितवनका बलर सोहेल तनवीर, सैफ जैब र रवि बोपाराले एक एक विकेट लिएका थिए ।
अब एनपीएल अन्तर्गत आज दोस्रो खेल पोखरा एभेन्जर्स र विराटनगर किंग्सबीच हुदैछ ।
काठमाडौं । नेपाल क्रिकेट संघ (क्यान) ले एसीसी पुरुष यू-१९ प्रिमियर कप खेल्ने टिमको घोषणा गरेको छ ।
क्यानले अशोक धामीको कप्तानीमा १४ सदस्यीय टिमको घोषणा गरेको हो । नेपाली टिममा अशोक धामी (कप्तान), निरज यादव (विकेटकिपर), निश्चल क्षेत्री, आशिष लोहार, सुशील रावल, किब्रिन श्रेष्ठ, दारश सोनार, दयानन्द मण्डल, दिलसाद अली, नितेश पटेल, चन्दन राम, रोशन विक, अपराजित पौडेल र भान्स क्षेत्री रहेका छन् ।
नोभेम्बर १९ देखि डिसेम्बर १ सम्म हुने यू-१९ प्रिमियर कपमा नेपाल समुह ए मा हङकङ र साउदी अरेबियासँग रहेको छ । यस प्रतियोगितामा १४ देशले भाग लिएका छन् भने शिर्ष तीन देश यू-१९ एशिया कपमा छनौट हुने छन् ।
काठमाडौँ । नेपाल प्रिमियर लिग (एनपीएल) अन्तर्गतको खेलमा कर्णाली याक्सले चितवन राइनोजलाई १६७ रनको लक्ष्य दिएको छ ।
टस हारेर पहिला ब्याटिंग गरेको कर्णालीले २० ओभरमा ३ विकेट गुमादै १६६ रन बनाएको हो ।
कर्णालीका लागि प्रियांक पंचलले सर्बाधिक ९० रन बनाए भने पवन सराफले २७ रन बनाएका थिए । त्यस्तै म्याक ओ डाउडले २० र मार्क वाटले १६ रन बनाएका थिए ।
त्यस्तै चितवनका बलर सोहेल तनवीर, सैफ जैब र रवि बोपाराले एक एक विकेट लिएका थिए ।
काठमाडौँ । नेपालले एसियाली डजबल च्याम्पियनसिपमा भाग लिने भएको छ ।
मलेसियामा मंसिर ४ देखि ७ गतेसम्म हुने एसियाली डजबल च्याम्पियनसिपमा नेपालबाट १२ खेलाडीसहित १८ सदस्यीय टोली सहभागी हुने भएका छन् ।
राष्ट्रिय खेलकुद परिषद् (राखेप) का सदस्य–सचिव टंकलाल घिसिङले खेलाडीसहितको टोलीलाई शुभकामना दिदै बिदाई गरेका छन् । कार्यक्रममा राखेप कार्यकारी समितिकी सदस्य रञ्जना प्रधान र प्रशासन विभागका विभागीय प्रमुख भोजानन्द राई पनि उपस्थित थिए ।
काठमाडौँ । नेपाल प्रिमियर लिग (एनपीएल) को अन्तर्गत आजको पहिलो खेलमा चितवन राइनोजले टस जितेको छ । चितवन राइनोजले टस जितेर कर्णाली याक्सलाई पहिला ब्याटिंगको निम्तो दिएको छ ।
आजको खेलमा चितवनबाट कुशल मल्ल (कप्तानी), डेविड मलान, अर्जुन साउद, रवि बोपारा, सैफ जैब, दीपक बोहोरा, विपिन आचार्य, रिजन ढकाल, कमल सिंह ऐरी र सोहेल तनवीर खेल्दैछन् ।
त्यस्तै कर्णाली याक्सबाट सोमपाल कामी (कप्तान) म्याक्स ओ डाउड, प्रियांक पंचल, नजिब जद्रान, पवन सराफ, मार्क वाट, अर्जुन घर्ति, गुलशन झा, नन्दन यादव, युवराज खत्री र उनिश ठकुरी खेल्दैछन् ।
काठमाडौँ । नेदरल्याण्डस र जर्मनी फिफा विश्वकपमा छनौट भएका छन् । गएराती सम्पन्न समुह चरणका खेलपछि नेदरल्याण्डस र जर्मनी युरोपबाट विश्वकपमा छनौट भएका हुन् ।
समुह जी अन्तर्गतको खेलमा नेदरल्याण्डसले लिथुआनियालाई ४-० गोलले पराजित गर्दै समुहमा ८ खेलमा २० अंकसहित शिर्ष स्थानमा रहदै विश्वकपमा छनौट भएको हो ।
त्यस्तै समुह ए अन्तर्गतको खेलमा जर्मनीले स्लोभाकियालाई ६-० गोल अन्तरले पराजित गर्दै जर्मनी समुह ए मा ६ खेलमा १५ अंकसहित शिर्ष स्थानमा रहेको छ र विश्वकपमा छनौट भएको छ ।
योसँगै २०२६ मा हुने फिफा विश्वकपमा युरोपबाट अहिलेसम्म नेदरल्याण्डस र जर्मनीसहित पोर्चुगल, क्रोसिया, नर्वे, इङल्याण्ड र फ्रान्स छनौट भएका छन् ।
काठमाडौं । नेपालले आज एएफसी एशियन कप छनौट अन्तगत मलेसियाविरुद्ध खेल्दैछ । मलेसियामा हुने यो खेल नेपाली समय अनुसार साँझ ६: ४५ बजेदेखि शुरु हुने छ ।
नेपालभन्दा मेलासिया फिफा वरियतामा धेरै अगाडी रहेको छ । हाल नेपाल फिफा वरियतामा १८०औं स्थानमा छ भने मलेसिया ११८औं स्थानमा रहेको छ । नेपाल र मलेसियाबीच अहिलेसम्म आठ खेल भएका छन् । जसमा ७ खेलमा मलेसिया विजयी भएको छ भने एक खेल बराबरी भएको छ ।
पछिल्ल्लो पटक नेपालले गत मार्चमा जारी एएफसी एशियन कपको छनौट खेल खेलेको थियो, जसमा मलेसिया २-० ले विजयी भएको थियो ।
यो खेल खेल्न मुख्य प्रशिक्षक हरि खड्का र २३ सदस्यीय टिम मलेसिया पुगेको छ । नेपाली टिममा गोलकिपर किरण कुमार लिम्बु, दीप कार्की, विशाल सुनार अरिक बिष्ट, मणिकुमार लामा, कुशल देउवा, अनन्त तामाङ, रोहित चन्द, सुमन श्रेष्ठ, सनिश श्रेष्ठ, अभिषेक लिम्बु, सुमित श्रेष्ठ, योगेश गुरुङ, लेकेन लिम्बु, मनिष डाँगी, रोहन कार्की, दिपेश गुरुङ, गिलेस्पी जंग कार्की, अन्जन विष्ट, आयुष घलान, दिनेश हेञ्जन, सुवास बम र आदित्य शाक्य रहेका छन् ।
एशियन कप छनौटमा नेपालले अहिलेसम्म खेलेका ४ खेलमा चारै खेलमा हार बेहोरेको छ ।
काठमाडौँ । नेपाल प्रिमियर लिग (एनपीएल) को अन्तर्गत आज दुई खेल हुदैछन् । आज पहिलो खेल चितवन राइनोज र कर्णाली याक्स बीच हुदैछ । यो खेल बिहान ११: ४५ बजेदेखि शुरु हुदैछ ।
कुशल मल्लको कप्तानीमा रहेको चितवनमा रिजन ढकाल, कलमसिंह ऐरी, देव खनाल जस्ता राष्ट्रिय खेलाडी रहेका छन् भने रवि भोपारा, सोहेल तनवीर, सैफ जैब, डेविड मलान र अल्पेस रामजानी जस्ता विदेशी खेलाडी रहेका छन् ।
त्यस्तै सोमपाल कामीको कप्तानीमा गुलशन झा, नन्दन यादव, पवन सराफ, जस्ता राष्ट्रिय खेलाडी रहेको कर्णाली याक्समा जयकिशन कोलसावाला, म्याक्स ओ’डाउड, प्रियांक पञ्चाल, मार्क वाट र नाजिबउल्लाह जद्रान जस्ता विदेशी खेलाडी समेत रहेका छन् ।
त्यस्तै आज दोस्रो खेल विराटनगर किंग्स र पोखरा एभेन्जर्सबीच दिउसो ४ बजेदेखि शुरु हुदैछ । सन्दीप लामिछानेको कप्तानीमा रहेको विराटनगरमा लोकेश बम, प्रतिश जिसी जस्ता राष्ट्रिय खेलाडी छन् भने जर्ज मुन्सी, मार्टिन गप्टिल, शुभम सुबहस रंजने, मर्चेन्ट डी लंगे, फाफ डु प्लेसिस, साम्युएल डाली हीजलेट जस्ता विदेशी खेलाडी रहेका छन् ।
त्यस्तै कुशल भुर्तेलको कप्तानीमा रहेको पोखरा अभेन्जर्समा सागर ढकाल, आकाश चन्द जस्ता राष्ट्रिय टिमका खेलाडी रहेका छन् भने डान डाउथवेट, जिम्मी निशाम, रेमन राइफर, एडम रोसिङ्टन र जेसन रोय जस्ता विदेशी खेलाडी रहेका छन् ।
यसअघि सोमबार भएको उद्घाटन खेलमा काठमाडौँ गोर्खाजले जनकपुर बोल्ट्सलाई ५ विकेटले पराजित गरेर विजयी शुरुवात गरेको थियो ।
काठमाडौँ । काठमाडौँ गोर्खाजले नेपाल प्रिमियर लिग (एनपीएल) को दोस्रो संस्करणमा विजयी शुरुवात गरेको छ । उद्घाटन खेलमा काठमाडौँ गोर्खाजले जनकपुर बोल्ट्सलाई ५ विकेटले पराजित गरेर विजयी शुरुवात गरेको हो ।
जनकपुरले दिएको १३१ रनको लक्ष्य पछाएको काठमाडौँले १८ ओभरमा ५ विकेट गुमाएर लक्ष्य पुरा गरेको हो ।
काठमाडौँको जितमा बेन चार्लेजवर्थले सर्बाधिक ४६ रन बनाए भने आकाश त्रिपाठीले ३९ रन बनाएका थिए । त्यस्तै मिलिन्द कुमारले १९ र जोन सिम्पसनले १३ रन बनाएका थिए । त्यस्तै जनकपुरका ब लर किशोर महतो, अनिल शाह, ललित राजबंशी र जान निकोल लोफ्टीले एक एक विकेट लिएका थिए ।
यसअघि टस हारेर पहिला ब्याटिंग गरेको जनकपुर बोल्ट्सले २० ओभरमा ६ विकेट गुमाउदै १३० रन बनाएको थियो । त्यस्तै जनकपुरका लागि आसिफ शेखले सर्बाधिक ५४ रन बनाए भने मयन यादवले अविजित ३४ रन बनाएका छन् । त्यस्तै काठमाडौँ गोर्खाजका बलर मिलिन्द कुमारले ३ विकेट लिए भने सन्तोष यादवले एक विकेट लिएका थिए ।
अब एनपीएलको दोस्रो दिन दुई खेल हुने छन् । मंगलबार पहिलो खेलमा चितवन राइनोज र कर्णाली याक्स र दोस्रो खेलमा विराटनगर किंग्स र पोखरा एभेन्जर्स खेल्दैछन् ।