काठमाडौं । नेकपा एमालेको सचिवालय बैठक शुरु भएको छ ।
जेठ ४ गतेदेखि शुरु भएको बैठक शुक्रबार र शनिबार पनि बसेको थियो भने त्यसको निरन्तरता स्वरूप आज पनि अध्यक्ष केपी शर्मा ओलीको भक्तपुरको गुण्डुस्थित निवासमा केहि बेरअघि शुरु भएको हो ।
शुक्रबार र शनिबारको बैठकमा उपाध्याक्ष, महासचिव, उपमहासचिव र चार सचिवहरुले आफ्नो धारणा राखेका छन् भने आजको बैठकमा बाँकी पाँच सचिवले आफ्नो धारणा राखेपछि यसअघि प्रस्तुत गरिएका एजेण्डा र समसामयिक विषयमा छलफल हुने भट्टले जानकारी दिएका छन् ।
काठमाडौँ । बलिवुडमा लामो समयदेखि बन्न नसकेको फिल्म डन- ३ फेरी विवादमा परेको छ । फिल्मबाट रणवीर सिंह बाहिरिएको चर्चा चुलिएसँगै निर्देशक फरहान अख्तरले अभिनेता विरुद्ध उजुरी दर्ता गर्न पश्चिम भारत चलचित्र कर्मचारी महासंघ (एफडब्लुआईसीई) लाई सम्पर्क गरेको बताइएको छ ।
धुरन्धर स्टार रणवीरलाई यस फिल्मको मुख्य भूमिकाका लागि अनुबन्ध गरिएको थियो । तर उनी र निर्माण पक्षबीच भएको भनिएको विवादका कारण फिल्म हाललाई रोकिएको अवस्थामा पुगेको छ।
एफडब्लुआईसीईले यो विषयको अध्ययनपछि मे २५ मा पत्रकार सम्मेलन गर्दै आफ्नो धारणा सार्वजनिक गर्ने जनाएको छ । संस्थाले जारी गरेको आधिकारिक सूचनामा फरहान अख्तर र रणवीर सिंहबीचको विषयमा पत्रकार सम्मेलनमै जानकारी दिइने उल्लेख छ । यो उजुरी आफ्नो सहयोगी संस्था भारतीय चलचित्र तथा टेलिभिजन निर्देशक संघमार्फत प्राप्त भएको पनि महासंघले स्पष्ट पारेको छ। फरहान अख्तर उक्त संघका सदस्य हुन् ।
डन- ३ लाई लिएर अनुमान त्यतिबेला झन् बढ्यो, जब रणवीर सिंह आफैं परियोजनाबाट अलग भएको खबर बाहिरियो । यद्यपि, यसबारे अभिनेताको तर्फबाट कुनै आधिकारिक प्रतिक्रिया आएको छैन । तर उद्योगभित्रको चर्चाअनुसार पटकथा र निर्देशन शैलीलाई लिएर भएको भनिएको रचनात्मक मतभेदका कारण यस्तो अवस्था आएको हुनसक्ने बताइन्छ ।
मिडिया रिपोर्टमा फरहान अख्तरले पहिले रणवीरको स्थानमा अर्को कलाकार ल्याउने तयारी गरेको दाबी पनि गरिएको छ । तर धुरन्धरको सफलतापछि ती योजना परिवर्तन भएको बताइन्छ । त्यसपछि रणवीर आफ्नो नयाँ सफलतासँग मिल्ने गरी फिल्म छनोटमा बढी सचेत भएको चर्चा पनि छ ।
यसैबीच, निर्माण पक्षले पूर्वतयारीमा भएको खर्च र छायांकन तालिकामा आएको अवरोधलाई आधार मानेर करिब चालीस करोड रुपैयाँ क्षतिपूर्ति माग गर्ने विचार गरिरहेको दाबी गरिएको छ । खबरअनुसार रणवीर सिंहले उक्त क्षतिपूर्ति तिर्न सहमति जनाएको समेत बताइएको छ।
दमौली । तनहुँको दमौलीस्थित सफा सडक क्षेत्रमा आजदेखि लागू गरिएको पार्किङ निषेधको निर्णयविरुद्ध स्थानीय व्यवसायीहरू आन्दोलित भएका छन् ।
व्यास नगरपालिकाले सफा सडक क्षेत्रमा सवारी साधन रोक्न नपाइने नयाँ व्यवस्था आजदेखि लागू गरेपछि व्यवसायीहरूले पसल बन्द गरेर विरोधमा उत्रिएका हुन् ।
नगरपालिकाले बजार क्षेत्रको ट्राफिक व्यवस्थापनलाई व्यवस्थित बनाउन भन्दै सफा सडकमा पार्किङ निषेधको निर्णय गरेको जेठ ६ गते सूचना प्रकाशित गरेर जानकारी गराएको थियो । साथै केही क्षेत्रमा एकतर्फी सवारी सञ्चालनको व्यवस्था समेत लागू गरिएको छ । तर व्यवसायीहरूले पार्किङ निषेधको निर्णयले व्यवसायमा प्रत्यक्ष असर पर्ने भन्दै विरोध गरेका छन् ।
व्यास नगरपालिकाले गरेको निर्णय:
१- तनहुँ जिल्लाको सदरमुकाम दमौली वजारमा जथाभावि गाडी, मोटरसाईकल पार्किङ गरी अस्तव्यस्त भएको वजार सुरक्षाका लागि राखिएका सिसिटिभी क्यामेरा, जेव्रा क्रसिङ फूटपाथ व्यवस्थापन समेतमा विस्तृत समिक्षा गरियो ।
२- बजार सुरक्षाका लागि सिसिटिभी क्यामेराको मर्मत गर्ने र आवाश्यक स्थानमा राख्ने कार्यमा नगरपालिकाले जिल्ला प्रहरी कार्यालय सँग समन्वय गरी खर्च व्यवस्थापन गर्ने, दमौली भित्रका सिसिटिभी क्यामेराको निगरानी गर्न जिल्ला प्रहरी कार्यालय बाटै गर्ने गराउने निर्णय गरियो ।
३. व्यास नगरपालिका वडा नं. २, ३ र ४ को सिमानावाट काठमाण्डौ – पोखराको पृथ्वी राजमार्ग पुनः निर्माण भई सर्भिस लेन समेतको निर्माण व्यवस्थापन मिलाउने, सफा सडक समेतको पार्किङ व्यवस्थापन गर्ने समेतका लागि २०८३/०२/१० गते देखि लागु हुने गरि १५ दिन सम्म परिक्षणका लागि निम्नानुसार गर्ने गरी सर्व सम्मत निर्णय गरियो ।
क) सफा सडकमा दुई तर्फि वाटो चालु हुने हुदाँ सवै सवारी साधनको पार्किङ निषेध गर्ने । विकल्पमा शाखा सडक, चोक, नगरपालिकाको पार्किङ ग्राउण्ड, अनशन चौतारी क्षेत्रमा निःशुल्क व्यवस्थापन गर्ने ।
पृथ्वी राजमार्ग तर्फ:-
ख) व्यास ४ भोर्लेटार चोक सबलेनमा – परेवा डाँडा सम्म चल्ने म्याजिक, दुईपिप्ले शिसाघाट सम्म चल्ने ४ पाङ्ग्रे मिनिबस, पुलिमर्याङ चल्ने बस लगाएत लम्जुङको भोर्लेटार, सोतिपसल, जिता, कुन्छा चल्ने ठूला सवारीहरुलाई आउदाँ बाघभञ्ज्याङ हुँदै सिमलटार तिर बाट बसपार्कमा आउने र जाँदा चौतारी होटल चोकमा १/१ वटा लाई १५/१५ मि. बस्न दिने ।
ग) भोर्लेटार चोक स्थित राजमार्गमाः – दमौली देखि काठमाण्डौ चल्ने माईक्रो र दमौली देखि मुग्लिन सम्म चल्ने बस बसपार्कमा पठाउने र जाने वेला ५ मि. पिक अप गर्न दिने ।
घ) व्यास २ स्थित भोर्लेटार चोक राजमार्गमाः – काठमाण्डौ लगाएत अन्य विभिन्न पूर्वी खण्डवाट आउने छोटो तथा लामो दुरीका सवै सवारीलाई यात्रु चढाउने र ओराल्ने गरी २ मि. पिक अप /ड्रप् गर्न समय दिने ।
ङ) व्यास २ भोर्लेटार चोक नमुना टोल सवलेनमा:- स्थानीयको साना सवारी, तालघरे, डिहिगाँउ, घाँसीकुवा हुदै व्यास १० र ११ का विभिन्न स्थानमा छुट्ने म्याजिक तथा वस क्यू थाप्ने गरि बसपार्क पठाउने र जाने वेलामा १/१ वटालाई मात्र आउन दिई २ मि. पिकअप गर्न दिने ।
च) ट्राफिक चोकमा :- स्थानीय यातायातका दमौली पोखरा चल्ने माइक्रो, ट्याक्सी क्यू थाप्ने गरेकोमा अव देखी १/१ वटा मात्र क्यू थाप्न दिने बाँकी वसपार्क पठाउने ।
छ) व्यास ३ साँगे चोकमा:- तरकारी लाईनको पूर्व तर्फ दमौली पोखरा चल्ने बस क्यू थाप्ने गरि पश्चिम तर्फबाट व्यास ५ र ६ का विभिन्न स्थानमा चल्ने म्याजिक र ठूला सवारी साधनलाई अव देखी १/१ वटा मात्र दुर्गा मन्दिर पश्चिम क्यू थाप्ने गरी पठाउने र अरु बसपार्क पठाउने ।
ज) भित्री बजार तर्फ:- व्यास ३ न्यूरोड व्यास नगरपालिकाको कार्यालयको भवन दक्षिण तर्फ पछाडीबाट रिसिङ, घिरिङ चल्ने जीप र माछापुच्छ्रे बैंक अगाडीबाट ठूला सवारी १/१ वटा मात्र क्यू थाप्न दिने वाँकी वसपार्कमा पठाउने ।
झ) व्यास २ गणेशमान चोकमा छाब्दी बाराही जाने म्याजिक लगाएत व्यास १३ र १४ तर्फ जाने ठूला सवारी १/१ वटा मात्र क्यू थाप्न दिने र बाँकी बसपार्कमा पठाउने ।
ञ) अटोलाई उल्लेखित चोकहरुमा २/२ वटा र अनशन चौतारी चोकमा २ वटा मात्र राख्न दिने वाँकी वसपार्कमा पठाउने । ट) वाँकी वस, माईक्रो, जीप, ट्याक्सी, अटो सवै वसपार्क लैजाने र हाईवेको सर्भिस लेनमा मोटरसाईकल लगाएत दुईपाङ्ग्रे सवारी पार्किङ गर्न नपाईने ।
ठ) कार्यालय र विद्यालय सञ्चालन हुने दिन सोमवार देखि शुक्रवार सम्म विहान ८:३० वजे देखि १०:१५ वजेसम्म र साँझ ३:३० देखि ५:१५ वजे सम्म सफा सडक, ग्रिन सिटी टोल हुदै गणेशमान चोक, अमरापुरी सत्यवती विद्यालय, सरकारी कार्यालय रहने क्षेत्रमा मालवाहाक गाडी, ट्र्याक्टर लगाएत हेभी गाडीहरु निषेध गर्ने ।
ड) वान वे: निम्न वमोजिमका सडकहरुलाई एकतर्फी गर्ने ।
-वडा नं. २ को पृथ्वी राजमार्ग वाट ग्रिनसिटी टोल हुदै भेटघाट चोक जाने मात्र
– वडा नं. ३ तर्फ पृथ्वी राजमार्ग वाट तरकारी लाईन हुदै महर्षी चोक तर्फ जाने मात्र
– पुरानो वैंक लाईन न्यूरोड चोकवाट कालिका मार्ग हुदै पृथ्वी राजमार्गमा निस्कने मात्र ४ पाङ्ग्रे गाडीलाई एकतर्फी प्रवेश दिने तर कुनैपनि सवारी पार्किङ गर्न नपाईने ।
– प्रहरी कार्यालयको दक्षिण पश्चिम तर्फको चोकवाट पृथ्वी राजमार्ग दुर्गा मन्दिर तर्फ निस्कने मात्र एकतर्फी गर्ने र सो सडकमा कुनैपनि सवारी पार्किङ गर्न नपाईने ।
ढ) मानिस आवत जावत गर्नका लागि सवै पेटीहरु खुला राख्ने कतिपय व्यवसायीहरुले सडक पेटीमा सामान राखि विक्री गर्ने गरेको पाईएकाले पूर्णत हटाउने ।
ण) व्यास १ करङ्ग काठमा रहेको वसपार्कमा वत्ति व्यवस्थापन, खानेपानी व्यवस्थापन, शौचालय व्यवस्थापन मिलाउने कार्यमा व्यास नगरपालिकाले जिम्मा लिने ।
त) पृथ्वी राजमार्ग अन्तर्गत भोर्लेटार चोकका व्यास चोकमा ट्राफिक पोष्ट, सिसिटिभी क्यामेरा, वत्ती व्यवस्थापन गर्ने गराउने । थ) नो पार्किंग सम्बन्धी आवाश्यक सामाग्री व्यवस्थापन नगरपालिका तर्फवाट गरी ट्राफिक प्रहरीलाई दिने । द) बसपार्कमा टिकट काउण्टरका लागि न.पा.ले भवन कोठा उपलब्ध गराउने ।
काठमाडौं । एभरेष्ट कलर लिमिटेडले जेठ २२ गतेदेखि सर्वसाधारणका लागि प्राथमिक शेयर (आइपिओ) निष्काशन गर्ने भएको छ ।
कम्पनीले प्रतिकित्ता १०० रुपैयाँ अंकित मूल्यका ६ लाख ५५ हजार ७०० कित्ता शेयर सर्वसाधारणका लागि बिक्री खुला गर्न लागेको हो । लगानीकर्ताले न्यूनतम १० कित्ता र अधिकतम १० हजार कित्तासम्म आवेदन दिन सक्नेछन् ।
कम्पनीले यसअघि वैदेशिक रोजगारीमा रहेका नेपालीहरूका लागि छुट्याइएको आईपीओ बाँडफाँड गरिसकेको छ । कम्पनीले जारी पूँजी ३० करोड रुपैयाँको २६.३३ प्रतिशत बराबरको ७ करोड ९० लाख रुपैयाँ मूल्यका ७ लाख ९० हजार कित्ता शेयर निष्काशन गर्न अनुमति पाएको थियो । त्यसमध्ये ७९ हजार कित्ता शेयर वैदेशिक रोजगारीमा रहेका नेपालीहरूलाई बाँडफाँट गरिसकिएको छ । साथै ३९ हजार ५०० कित्ता सामूहिक लगानी कोष र १५ हजार ८०० कित्ता कर्मचारीहरूका लागि छुट्याइएको कम्पनीले जनाएको छ ।
आइपिओमा आवेदन दिने अन्तिम मिति जेठ २७ गते तोकिएको छ । सो अवधिसम्म पूर्ण आवेदन नपरेमा निष्काशन अवधि असार ५ गतेसम्म थप गरिने कम्पनीले जनाएको छ । कम्पनीको शेयर निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ ।
आइपिओ निष्काशनको लागि गराएको रेटिङ्गमा केयर रेटिङ्गस् नेपालले कम्पनीलाई केयरएनपी डबल बी इस्यूअर रेटिङ्ग प्रदान गरेको छ। यसले कम्पनीको दायित्व बहन गर्ने क्षमतामा मध्यम जोखिम रहेको संकेत गर्दछ ।
लगानीकर्ताले सी–आस्बा प्रणालीमार्फत स्वीकृत बैंक तथा वित्तीय संस्था र ‘मेरो शेयर’ प्रयोग गरेर आवेदन दिन सक्नेछन् ।
काठमाडौं । नेपाली बजारमा आज सुनचाँदीको मुल्य घटेको छ ।
नेपाल सुनचाँदी व्यवसायी महासङ्घका अनुसार आइतबार सुनको मुल्य तोलाको २८ सयले घटेर तोलाको २ लाख ९० हजार ९ मा कारोबार भइरहेको छ । यसअघि शुक्रबार सुन तोलाको २ लाख ९३ हजार ७ सयमा कारोबार भएको थियो ।
यस्तै, आज चाँदीको मुल्य पनि घटेको छ । महासङ्घका अनुसार आज चाँदी तोलाको १०५ रुपैयाँले घटेर ५०१० मा कारोबार भइरहेको छ । यसअघि शुक्रबार चाँदी तोलाको ५११५ मा कारोबार भएको थियो ।
काठमाडौँ । इरानले युद्ध अन्त्य गर्ने प्रयासस्वरूप आफ्नो अत्यधिक संवर्धित युरेनियम भण्डार छोड्न तयार भएको दाबि गरिएको छ ।
न्यूयोर्क टाइम्सका अनुसार इरानले अमेरिका समक्ष उक्त युरेनियम हटाउन सहमति जनाएको हो । तर यसलाई कसरी र कहाँ पठाइने भन्ने विषयमा भने अझै टुंगो लागेको छैन । यसबारे थप छलफल हुने बताइएको छ ।
इरानसँग हाल चार सय किलोभन्दा बढी यस्ता युरेनियम रहेको छ, जसलाई अझ प्रशोधन गरेर परमाणु हतियार बनाउन प्रयोग गर्न सकिने चिन्ता व्यक्त गरिएको छ ।
यता, अमेरिकी राष्ट्रपति डोनाल्ड ट्रम्पले अमेरिका र इरानबीच युद्धविरामसम्बन्धी समझदारी लगभग अन्तिम चरणमा पुगेको दाबी गरेका छन् । उनका अनुसार समझदारीको मस्यौदा धेरै हदसम्म तयार भइसकेको छ र अब केवल अन्तिम स्वीकृति बाँकी छ । यसमा होर्मुज जलमार्ग पुनः खोल्ने विषय पनि समावेश रहेको बताइएको छ ।
यसअघि एक्सियोस समाचार संस्थासँगको टेलिफोन कुराकानीमा ट्रम्पले इरानसँग सम्झौता हुने सम्भावना करिब ५० प्रतिशत रहेको बताएका थिए । उनले या त राम्रो समझदारी हुनेछ, या अमेरिका इरानमाथि निकै कडा कारबाहीमा जान सक्ने विकल्प पनि खुला रहेको बताएका थिए । इरान पक्षबाट भने यी दाबि बारे कुनै प्रतिक्रिया आएको छैन । तर मिडिया रिपोर्टहरुमा अमेरिका र इरान युद्धविराम ६० दिन लम्बाउन सहमत भएको र होर्मुज पनि विस्तारै खोल्ने विषयमा लगभग सहमति भएको दाबि गरिएको छ ।
पोखरा । पोखराको मध्य भाग भएर बग्ने फिर्केखोलाको खोलाघर खाली गर्ने कार्य आजदेखि सुरु भएको छ ।
खोलाघरको सीमाभित्र परेका अस्थायी तथा स्थायी सबै संरचना हटाउने अभियान अघि बढाइएको हो । २०८० साल आषाढमा गरिएको प्राविधिक नापजाँचपछि गाडिएका खम्बाका आधारमा सीमांकन गरिएको क्षेत्रभित्र बनेका सबै प्रकारका संरचना हटाइने महानगरले जनाएको छ ।
महानगरले फिर्केखोलाको संरक्षण, विकास र सौन्दर्यकरणलाई ध्यानमा राख्दै यो अभियानमा सहयोग गर्न सबै पक्षलाई आग्रह गरेको छ । सरोकारवाला निकाय, नागरिक समाज, राजनीतिक दल, सामाजिक संघसंस्था, टोल विकास समिति, आमा समूह, युवा क्लब, सुरक्षा निकायलगायत सम्पूर्ण नगरवासीलाई सहयोगका लागि पोखरा महानगरपालिकाले हार्दिक अपिल गरेको छ ।
पोखरा महानगरका प्रमुख धनराज आचार्यका अनुसार फिर्केखोलाको दायाँ–बायाँ धेरै स्थानमा उत्तर–दक्षिण सडक रहेकाले मोटरेबल करिडोरभन्दा फुट ट्रेल, साइकल लेन, बिहान र साँझ हिँड्ने पैदल मार्ग तथा आकर्षक घुमफिर स्थलका रूपमा विकास गर्नु उपयुक्त हुने विज्ञहरूको सुझावपछि यस्तो निर्णय गरिएको हो ।
उनका अनुसार लामो छलफलपछि खोलाघरको १० मिटर मापदण्ड घटाएर ६ मिटर कायम गरिएको छ । अब फिर्केखोलालाई प्राकृतिक रूपमा बग्न दिने र त्यसलाई व्यवस्थित रूपमा संरक्षण गर्ने अभियानमा सबै पक्षको साथ रहने अपेक्षा महानगरले गरेको छ ।
काठमाडौँ । इबोला प्रकोपले कंगोको पूर्वी क्षेत्रमा अवस्था झन् भयावह बन्दै गएको छ । आक्रोशित स्थानीय समूहले संक्रमितको उपचारका लागि बनाइएको स्वास्थ्य केन्द्रमा आगजनी गरेपछि स्थिति थप तनावपूर्ण बनेको हो ।
घटनापछि उपचार केन्द्रबाट १८ जना शंकास्पद बिरामी भागेका छन् । उनीहरूको हालसम्म कुनै पत्ता लाग्न नसकेको स्थानीय प्रशासनले जानएपछि चिन्ता व्यक्त गरिएको छ । एक साताभित्र उपचार केन्द्रमाथि भएको यो दोस्रो आक्रमण हो । स्वास्थ्य अधिकारीहरूले यस्ता घटनाले रोग झन् तीव्र रूपमा फैलिन सक्ने चेतावनी दिएका छन् ।
स्थानीय अस्पतालका निर्देशक डाक्टर रिचर्ड लोकुडीका अनुसार मोंगबवालु नगरमा शुक्रबार राति केही व्यक्तिहरू उपचार केन्द्र पुगेका थिए । उनीहरूले संक्रमित र शंकास्पद बिरामीको उपचारका लागि बनाइएको अस्थायी पालमा आगो लगाइदिएका थिए । उक्त केन्द्र अन्तर्राष्ट्रिय मानवीय स्वास्थ्य संस्थाको सहयोगमा सञ्चालन हुँदै आएको थियो ।
आगो लागेपछि अस्पताल क्षेत्रमा भागदौड मच्चिएको थियो । बिरामीहरू ज्यान जोगाउन बाहिर निस्किएका थिए । यही क्रममा १८ जना शंकास्पद बिरामी सम्पर्कविहीन भएका हुन् । स्वास्थ्य अधिकारीहरूले संक्रमित व्यक्तिहरू समुदायमा मिसिए रोग थप फैलिन सक्ने भन्दै चिन्ता व्यक्त गरेका छन् ।
यसअघि र्वामपारा नगरमा पनि उपचार केन्द्रमा आगजनी गरिएको थियो । त्यहाँ एक व्यक्तिको इबोलाबाट मृत्यु भएको आशंका गरिएको थियो । प्रशासनले परिवारलाई शव लैजान अनुमति नदिएपछि स्थानीय बासिन्दाले विरोध गरेका थिए ।
इबोलाबाट मृत्यु भएका व्यक्तिको शव अत्यन्त सङ्क्रामक मानिने भएकाले अन्त्येष्टिका क्रममा रोग फैलिने जोखिम धेरै हुन्छ । यही कारण प्रशासनले आफैंले अन्त्येष्टि प्रक्रिया सञ्चालन गर्दै आएको छ । तर स्थानीय समुदाय र परिवारजनले यसको विरोध गरिरहेका छन् ।
शनिबार र्वामपारामा कडा सुरक्षाबीच संक्रमितहरूको सामूहिक अन्त्येष्टि गरिएको थियो । सैनिक र प्रहरीको निगरानीमा उद्धारकर्मीहरूले सुरक्षात्मक पोसाक लगाएर शव गाडेका थिए भने परिवारका सदस्यहरू टाढाबाट रोइरहेका देखिएका थिए ।
विश्व स्वास्थ्य निकायले कंगोमा इबोलाको जोखिम अत्यन्त उच्च स्तरमा पुगेको जनाएको छ । स्वास्थ्य अधिकारीहरूका अनुसार सुरुआती संक्रमण पहिचानमा ढिलाइ हुँदा रोग धेरै सातासम्म पत्ता नलागी फैलिएको थियो ।
पूर्वोत्तर कंगोमा प्रशासनले ५० जनाभन्दा बढी भेला हुन र अन्त्येष्टि सभामा सहभागी हुन प्रतिबन्ध लगाएको छ । उद्धार तथा राहत संस्थाले आफ्ना तीन स्वयंसेवकको पनि इबोला संक्रमणबाट मृत्यु भएको जनाएको छ ।
अफ्रिकी रोग नियन्त्रण निकायका प्रमुख डाक्टर जीन कासेयाले यो संकट नियन्त्रण गर्न स्थानीय समुदायको विश्वास जित्नु सबैभन्दा महत्वपूर्ण रहेको बताएका छन् । स्वास्थ्य निकायहरूले जनचेतना फैलाउने र संक्रमण रोक्ने प्रयास जारी राखे पनि स्थानीय विरोध ठूलो चुनौती बन्दै गएको छ ।
कंगोमा अहिलेसम्म इबोलाबाट १७७ भन्दा बढीको मृत्यु भएको ७५० भन्दा बढी संक्रमित रहेको बताइएको छ र यो क्रम बढिरहेको छ ।
काठमाडौँ । नेपाल राष्ट्र बैंकले बैंक तथा वित्तीय संस्थामा कार्यरत कर्मचारीको कामको समय र अतिरिक्त श्रमसम्बन्धी व्यवस्थामा परिवर्तन गरेको छ ।
एकीकृत निर्देशन २०८२ संशोधन गर्दै राष्ट्र बैंकले अब कर्मचारीलाई कार्यालय समयभन्दा बाहिर काममा लगाउँदा अनिवार्य रूपमा अतिरिक्त पारिश्रमिक दिनुपर्ने र बाध्य पार्न नपाइने नयाँ व्यवस्था गरेको हो ।
यसअघि निर्देशन नम्बर १४ को बुँदा नम्बर ३ मा बैंक तथा वित्तीय संस्थाको सञ्चालन समयलाई राष्ट्र बैंकको कार्यसमयसँग मिलाउनुपर्ने व्यवस्था मात्र उल्लेख थियो । जसका कारण बैंक तथा वित्तीय संस्थालाई अतिरिक्त समय वा सार्वजनिक बिदामा सञ्चालन गर्नुपर्दा केवल जानकारी दिने व्यवस्था मात्र थियो भने कर्मचारीको ओभरटाइम वा अतिरिक्त कामबारे स्पष्ट व्यवस्था थिएन ।
नयाँ संशोधित व्यवस्थामा राष्ट्र बैंकले भनेको छ- ‘इजाजतपत्रप्राप्त संस्थाले कर्मचारीलाई प्रचलित कानूनअनुसार मात्र अतिरिक्त समयमा काममा लगाउनु पर्नेछ । अतिरिक्त समयमा काम गराउँदा प्रचलित व्यवस्थाबमोजिम अतिरिक्त पारिश्रमिक दिनुपर्नेछ र कर्मचारीलाई बाध्य पार्न पाइने छैन ।’
यस संशोधनसँगै बैंक तथा वित्तीय संस्थाले अब अतिरिक्त समय कर्मचारीलाई काम गराएमा अनिवार्य ओभरटाइम भुक्तानी दिनुपर्ने भएको छ ।
काठमाडौँ । जारी आइपिएल आज लिग चरणका अन्तिम दुई खेल हुदैछन् ।
आज पहिलो खेल मुम्बई इण्डियन्स र राजस्थान रोयल्सबीच मुम्बईको वानखडे स्टेडियममा हुदैछ । दिउसो ३: ४५ बजेदेखि हुने यस खेलमा राजस्थान जित्नै पर्ने अवस्थामा छ भने मुम्बई प्लेअफको दौडबाट यसअघि नै बाहिरिएको छ ।
राजस्थानले यस खेलमा जित हासिल गरेमा प्लेअफमा पुग्ने चौथो टिम बन्ने छ । तर राजस्थानले हार बेहोरेमा भने हाल चौथो स्थानमा रहेको पञ्जाव किंग्स र आजै हुने अर्को खेलमा कोलकोताले जित हसिल गरेर प्लेअफमा जाने अवसर बन्ने छ ।
त्यस्तै आज दोस्रो खेलमा कोलकोता नाइट राइडर्स र दिल्ली क्यापिटल्स खेल्दैछन् । राती ७: ४५ बजेदेखि शुरु हुने यो खेल दिल्लीका लागि प्लेअफको दौडबाट बाहिरिएकाले औपचारिकता मात्र हुने छ ।
यस सिजनमा रोयल च्यालेन्जर्स बैंगलुरु शिर्ष स्थानमा र गुजरात टाइटन्स दोस्रो स्थानमा रहदै प्लेअफमा पुगेका छन् र दुवै पहिलो क्वालिफायर्स खेल्ने निश्चित भएको छ । दुवै मंगलबार पहिलो क्वालिफायर्समा आमने सामने हुने छन् ।
त्यस्तै तेस्रो स्थानमा रहेको सनराइजर्स हैदरावाद प्लेअफमा पुग्ने चौथो टिमसँग इलिमिनेटर खेल्ने छ ।