काठमाडौँ । आज नेपाली बजारमा सुनचाँदीको मूल्यमा उल्लेख्य वृद्धि भएको छ । नेपाल सुनचाँदी व्यवसायी महासङ्घका अनुसार छापावाल सुनको मूल्य प्रतितोला रु ८ हजारले बढेर रु २ लाख ९६ हजार पुगेको छ ।
अघिल्लो कारोबार दिन छापावाल सुन प्रतितोला रु २ लाख ८८ हजारमा कारोबार भएको थियो ।
यस्तै, चाँदीको मूल्य पनि प्रतितोला रु ९५ ले वृद्धि भएको छ । चाँदीको मूल्य आज प्रतितोला रु ४ हजार ५७० कायम भएको छ भने अघिल्लो दिन रु ४ हजार ४७५ मा कारोबार भएको थियो ।
अन्तरराष्ट्रिय सञ्चारमाध्यमहरूका अनुसार अन्तरराष्ट्रिय बजारमा पनि सुनचाँदीको मूल्य उच्च रहेको छ । आज सुनको मूल्य प्रतिऔँस ४ हजार २६५ अमेरिकी डलर तथा चाँदीको मूल्य प्रतिऔँस ६२ अमेरिकी डलर कायम भएको छ ।
