काठमाडौं । साताको पहिलो कारोबार दिन सोमबार सेयर बजारमा गिरावट आएको छ। नेप्से परिसूचक ९.०२ अंकले घटेर २६४१.०६ विन्दुमा झरेको छ।
यस दिन ३५२ वटा स्क्रिप्सको एक करोड नौ लाख ६६ हजार ७४५ कित्ता सेयर खरिदबिक्री हुँदा कुल कारोबार रकम रु तीन अर्ब ६७ करोड ४४ लाख १९ हजार ७६६ पुगेको छ।
कारोबारमा आएका कम्पनीमध्ये ८२ वटा स्टक्सको मूल्य बढेको छ भने १७९ वटाको घटेको छ। १५ वटा स्टक्सको मूल्य स्थिर रह्यो। कुनै पनि कम्पनीको सेयर सकारात्मक सर्किट लेभलमा कारोबार हुन सकेन।
कर्पोरेट डेभलपमेन्ट बैंकको सेयर मूल्य सर्वाधिक ८.४७ प्रतिशतले बढेको छ भने रिलायबल समृद्धि योजना–२ को सेयर मूल्य ९.७० प्रतिशतले घटेको छ।
समूहगत उपसूचकतर्फ हाइड्रोपावर, म्युचुअल फन्ड, माइक्रोफाइनान्स र नन–लाइफ इन्स्योरेन्स समूह सकारात्मक रहे। बाँकी समूहका उपसूचक भने घटेका छन्।
