काठमाडौं । नेपाली कांग्रेसले १५औँ महाधिवेशनअन्तर्गत सोमबार अधिवेशन हुन बाँकी वडामा निर्वाचन प्रक्रिया अघि बढाउने भएको छ। केन्द्रीय निर्वाचन समितिका अनुसार विभिन्न जिल्लाका बाँकी वडामा आज अधिवेशन हुनेछ।
सप्तरीका क्षेत्र नम्बर २ र ४, सिरहा, मोरङको क्षेत्र नम्बर ६, रौतहटको क्षेत्र नम्बर १, सर्लाहीको क्षेत्र नम्बर २ तथा नवलपरासी पश्चिमको क्षेत्र नम्बर २ अन्तर्गत बाँकी वडामा अधिवेशन हुने समितिले जनाएको छ।
आइतबारसम्म कांग्रेसका ६ हजार १ सय ३२ वडाको अधिवेशन सम्पन्न भइसकेको छ। पार्टीले असोज १ गतेदेखि वडा अधिवेशन सुरु गरेको थियो।
