काठमाडौं । नेकपा (एमाले)को केन्द्रीय कमिटी बैठक आज बिहान ११ बजे बस्दैछ। प्रतिनिधिसभा निर्वाचनपछि पहिलोपटक हुन लागेको बैठकमा केन्द्रीय सदस्यहरूले पार्टीको पछिल्लो अवस्था र आगामी विषयमा आफ्नो धारणा राख्ने अवसर पाउने भएका छन्।
बैठकको कार्यसूची तय गर्न पार्टी केन्द्रीय कार्यालयमा बिहान ९ बजे केन्द्रीय सचिवालयको बैठक बस्नेछ। आइतबारदेखि जारी सचिवालय बैठकलाई आज पनि निरन्तरता दिइने पार्टी प्रचार तथा प्रकाशन विभाग प्रमुख नीरज आचार्यले जानकारी दिएका छन्।
निर्वाचन समीक्षा कार्यदलले पार्टी अध्यक्ष केपी शर्मा ओलीसमक्ष आफ्नो प्रतिवेदन बुझाएपछि स्थगित भएको केन्द्रीय कमिटी बैठक पुनः बस्न लागेको हो।
