काठमाडौं । सिरियाको उत्तरी अलेप्पो प्रान्तस्थित अल–ऐस क्षेत्रमा सोमबार बिहान शृङ्खलाबद्ध विष्फोट भएका छन्। सिरियाली सरकारी टेलिभिजन अल–इखबरियासहित विभिन्न अन्तर्राष्ट्रिय सञ्चारमाध्यमका अनुसार स्थानीय रक्षा मन्त्रालयसँग सम्बन्धित हतियार भण्डारणस्थललाई लक्षित गरी घटना भएको हो।
विष्फोटबाट भएको मानवीय तथा भौतिक क्षतिको विस्तृत विवरण सार्वजनिक भइसकेको छैन। घटनापछि सम्बन्धित निकायले प्रभावित क्षेत्रको अवस्था र घटनाको कारणबारे जानकारी संकलन गरिरहेको जनाइएको छ।
स्थानीय स्रोत तथा केही सञ्चारमाध्यमले विष्फोटलाई इजरायली हवाई हमलासँग जोडेर आशंका गरेका छन्। उक्त स्थान टर्की समर्थित समूहका हतियार भण्डारणका लागि प्रयोग हुँदै आएको दाबीसमेत गरिएको छ।
तर विष्फोट इजरायली हमलाका कारण भएको हो वा उक्त स्थानमा वास्तवमै टर्की समर्थित समूहका हतियार भण्डारण थिए भन्ने दाबीको स्वतन्त्र पुष्टि हुन बाँकी छ।
