काठमाडौं । असोज ९ देखि ११ गतेसम्म परेको अविरल वर्षापछि गएको पहिरोमा परी बागलुङमा मृत्यु हुनेको संख्या १३ पुगेको छ।
असोज ११ गते गएको पहिरोमा परी बेपत्ता भएकी तमानखोला गाउँपालिका–४, सन्तरकी ५३ वर्षीया पुनसरा विकको शव बुधबार फेला परेको जिल्ला प्रहरी कार्यालय बागलुङका प्रहरी उपरीक्षक फणिन्द्र प्रसाईंले जानकारी दिए।
पहिरोले घर पुरिँदा निसीखोला गाउँपालिकामा पाँच, तमानखोला गाउँपालिकामा पाँच र ताराखोला गाउँपालिकामा तीन जनाको मृत्यु भएको प्रहरीले जनाएको छ।
मृत्यु हुनेमा तमानखोला गाउँपालिकाका बुद्धिराज घर्ती, भीमदेवी घर्ती, हस्तवीर श्रीपाली र उडिसरा श्रीपाली रहेका छन्।
