काठमाडौँ । पूर्वप्रधानमन्त्री पुष्पकमल दाहाल ‘प्रचण्ड’ले कम्युनिस्ट शक्तिहरूलाई एकजुट गर्दै समाजवादको नयाँ यात्रा सुरु गर्ने बताएका छन्। मुसिकोटमा आयोजित एक कार्यक्रममा बोल्दै उनले क्रान्तिको सपना अझै पूरा नभएको उल्लेख गर्दै अब सबै कम्युनिस्टहरूलाई एकताबद्ध बनाउने प्रयास भइरहेको बताए।
उनले समाजवादतर्फ अघि बढ्न विभिन्न समूहबीच सहकार्य आवश्यक रहेको धारणा राख्दै यसै उद्देश्यले नयाँ ढाँचामा पार्टी निर्माण गरिएको जानकारी दिए। बाँकी रहेका कम्युनिस्ट शक्तिलाई पनि समेट्दै अघि बढ्ने उनको योजना छ।
प्रचण्डले शान्ति प्रक्रिया र संविधानसभाबाट प्राप्त उपलब्धिलाई जोगाउँदै अझ व्यवस्थित बनाउनेतर्फ सबै राजनीतिक दलबीच सहमति आवश्यक रहेको बताए।
