काठमाडौं । धनगढीको एयरपोर्ट चोक नजिक आइतबार साँझ भएको सवारी दुर्घटनामा ज्यान गुमाएका चेतराज भट्ट चर्चित अभिनेता तथा निर्माता वीराज भट्टका सहोदर दाजु रहेको खुलेको छ।
गोदावरी नगरपालिका–५ निवासी ६५ वर्षीय चेतराज भट्ट सवार म १ प ५२४ नम्बरको मोटरसाइकललाई सुपप्र ०२००१ ज ०६९३ नम्बरको ईभी हाइसले ठक्कर दिएको थियो।
दुर्घटनामा गम्भीर घाइते भएका भट्टको उपचारका क्रममा मायामेट्रो अस्पतालमा निधन भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) योगेन्द्र तिमिल्सिनाले जानकारी दिए।
