काठमाडौं । लुम्बिनी प्रदेशसभामा आर्थिक वर्ष २०८३/८४ को बजेटमाथि आजदेखि सैद्धान्तिक छलफल सुरु हुने भएको छ।
प्रदेशसभा सचिवालयका अनुसार आज बस्ने प्रदेशसभाको दशौँ बैठकमा आगामी आर्थिक वर्षको राजस्व र व्ययको वार्षिक अनुमान (बजेट) माथि सैद्धान्तिक छलफल हुने कार्यसूची रहेको छ।
बैठकमा आर्थिक मामिला तथा योजनामन्त्री धनेन्द्र कार्की ले बजेटमाथि सैद्धान्तिक छलफल गरियोस् भन्ने प्रस्ताव पेश गर्नेछन्। प्रस्तावमाथि प्रदेशसभा सदस्यहरूले धारणा राख्नेछन् भने उठेका प्रश्नहरूको जवाफ मन्त्री कार्कीले दिने कार्यक्रम छ।
त्यसैगरी मन्त्री कार्कीले प्रदेश सञ्चित कोषबाट खर्च तथा विनियोजनसम्बन्धी व्यवस्था गर्न बनेको विधेयक पनि सभामा पेश गर्ने कार्यसूची रहेको सचिवालयले जनाएको छ।
