काठमाडौं । ललितपुरको ग्वार्कोमा भएको बस दुर्घटनामा एक महिलाको मृत्यु भएको छ भने १९ जना घाइते भएका छन् ।
प्रहरी वृत्त सातदोबाटो, ललितपुरका अनुसार दुर्घटनामा गम्भीर घाइते भएकी ४० वर्षीया महिलाको उपचारका क्रममा मृत्यु भएको हो ।
प्रहरीका अनुसार बिहीबार बिहान करिब १० बजे भक्तपुरबाट सातदोबाटोतर्फ आउँदै गरेको बा २ ख ३५९० नम्बरको बस ग्वार्कोस्थित फ्लाइओभरको पर्खालमा ठोक्किएर दुर्घटना भएको थियो ।
दुर्घटनामा घाइते भएकाहरूको उपचार भइरहेको छ । घटनाबारे प्रहरीले थप अनुसन्धान गरिरहेको जनाएको छ ।
