काठमाडौं । सर्वसाधारणका लागि प्राथमिक सेयर (आईपीओ) जारी गर्ने तयारीमा रहेको श्री डिष्टिलरी लिमिटेडले असोज २६ गते वार्षिक साधारण सभा गर्ने भएको छ। कम्पनीको सञ्चालक समितिको भदौ ३१ गते बसेको बैठकले काठमाडौंमा सभा आयोजना गर्ने निर्णय गरेको हो।
सभामा आईपीओ निष्कासनसम्बन्धी प्रस्तावमाथि छलफल गरी अनुमोदन गर्ने तथा गत आर्थिक वर्षको वार्षिक प्रतिवेदन, लेखापरीक्षकको प्रतिवेदन र वित्तीय विवरण पारित गर्ने कार्यसूची रहेको कम्पनीले जनाएको छ।
आईपीओ निष्कासनको व्यवस्थापनका लागि कम्पनीले प्रभु क्यापिटल लिमिटेडलाई बिक्री प्रबन्धक नियुक्त गरिसकेको छ।
साधारण सभाबाट आवश्यक प्रस्ताव पारित भएपछि नियामकीय प्रक्रिया पूरा गरेर आईपीओ निष्कासनको तयारी अघि बढाइने कम्पनीले जनाएको छ।
