काठमाडौँ । नेकपा एमाले केन्द्रीय कमिटीको तेस्रो बैठकको दोस्रो दिनको छलफल सुरु भएको छ। ललितपुरको भनिमण्डलस्थित रामवाग पार्टी प्यालेसमा जारी बैठकमा केन्द्रीय सदस्यहरूले अध्यक्ष केपी शर्मा ओलीको राजनीतिक प्रतिवेदनमाथि धारणा राखिरहेका छन्।
बैठकमा प्रत्येक सदस्यलाई आफ्नो धारणा प्रस्तुत गर्न अधिकतम तीन मिनेटको समय तोकिएको छ। सदस्यहरूले राजनीतिक प्रतिवेदन, जनतासँगको पार्टीको सम्बन्ध तथा समसामयिक विषयमा आफ्ना विचार राखिरहेका छन्।
संगठनात्मक संरचनाबारे निर्णय हुँदै
बैठकले केन्द्रीय कमिटीमा सदस्य मनोनयनसँगै विभिन्न विभाग गठन गर्ने तयारी गरेको छ। यस्तै, पोलिटब्युरो र स्थायी कमिटी गठन तथा नेताहरूको जिम्मेवारी बाँडफाँडसम्बन्धी विषयमा पनि बैठकबाट निर्णय हुने बताइएको छ।
पार्टीका प्रचार तथा प्रकाशन विभाग प्रमुख निरज आचार्यका अनुसार बैठकका क्रममा राजनीतिक तथा संगठनात्मक विषयमा छलफल अघि बढाइनेछ।
