काठमाडौँ । नेपाली कांग्रेस लमजुङले जिल्लाका सबै ७५ वडामा वडा अधिवेशन सम्पन्न गरेको छ। अधिवेशनबाट वडा समिति गठनसँगै करिब दुई हजार क्षेत्रीय प्रतिनिधि चयन गरिएको पार्टीले जनाएको छ।
कांग्रेस लमजुङका सचिव कृष्णबहादुर अधिकारीका अनुसार सबै वडामा अधिवेशन निर्विरोध सम्पन्न भएको हो। वडा नेतृत्व तथा क्षेत्रीय प्रतिनिधि चयनको प्रक्रिया एकैसाथ अघि बढाइएको थियो।
चयन भएका क्षेत्रीय प्रतिनिधिले पालिका, प्रदेश सभा क्षेत्रीय र प्रतिनिधिसभा क्षेत्रीय अधिवेशनमा सहभागिता जनाउनेछन्। उनीहरूले पालिका तथा जिल्ला नेतृत्वका साथै महाधिवेशन प्रतिनिधि चयन प्रक्रियामा पनि भूमिका निर्वाह गर्नेछन्।
कांग्रेसको १५औँ महाधिवेशन कार्यतालिकाअनुसार असोज ३ र ४ गते वडा अधिवेशन गरिएको हो। असोज ७ गते पालिका अधिवेशन तथा असोज १० गते प्रदेश सभा क्षेत्रीय र प्रतिनिधिसभा क्षेत्रीय अधिवेशन गर्ने कार्यतालिका छ। केन्द्रीय महाधिवेशन असोज १६ देखि १९ गतेसम्म गर्ने तय गरिएको छ।
नेतृत्व चयनलाई लिएर आन्तरिक तयारी
वडा अधिवेशनसँगै जिल्लामा आगामी पार्टी नेतृत्वका लागि आन्तरिक तयारीसमेत बढेको छ। विभिन्न समूहका नेता तथा कार्यकर्ता अधिवेशनलाई केन्द्रित गर्दै सक्रिय भएका छन्।
यद्यपि, ‘कुलिङ पिरियड’ को विषयलाई लिएर देउवा र शेखर पक्षका केही नेता तथा कार्यकर्ता वडा अधिवेशनमा सहभागी नभएको
