काठमाडौँ । आज रष्ट्रिय सभा अन्तर्गत विधायन व्यवस्थापन समितिको बैठक बस्दैछ । 

आज बिहान साढे ११ बजे बस्ने विधायन व्यवस्थापन समितिको बैठकमा सङ्घीय निजामती सेवा विधेयक, २०८० माथि दफावार छलफल हुने कार्यसूची रहेको समितिले जानकारी दिएको छ ।

Read More

काठमाडौँ । प्रधानमन्त्री केपी शर्मा ओलीको चीन भ्रमणको कार्यतालिका सार्वजनिक भएको छ । प्रधानमन्त्री यही अगष्ट ३०मा चीन जाने भएका हुन् । चिनियाँ राष्ट्रपति सि जिनपिङको निमन्त्रणामा प्रधानमन्त्री ओली नेपाली प्रतिनिधिमण्डलको नेतृत्व गरेर चीन जान लागेका हुन् ।

भ्रमणको क्रममा चीनमा रहँदा विश्वका विभिन्न नेताहरुसँगपनि प्रधानमन्त्री ओलीले भेट्ने जनाईएको छ । यस्तै, प्रधानमन्त्री ओलीले सेप्टेम्बर १ मा एससिओ प्लस समिटलाई सम्बोधन गर्ने जनाईएको छ ।

प्रधानमन्त्री ओलीसँग भ्रमण दलमा प्रथम महिला राधिका शाक्यपनि सहभागी हुनेछिन् । यस्तै, शिक्षामन्त्री रघुजी पन्त र पर्यटनमन्त्री बद्री पाण्डेपनि भ्रमण दलमा हुने जनाईएको छ । प्रधानमन्त्री ओलीका आर्थिक तथा विकास सल्लाहकार डा. युवराज खतिवडापनि सहभागी हुनेछन् ।

यस्तै, नेपाली कांग्रेसका उपसभापति पूर्णबहादुर खड्का र एमालेका सांसद छविलाल विश्वकर्मापनि भ्रमणमा दलमा सामेल हुने परराष्ट्र मन्त्रालयले जनाएको छ । प्रधानमन्त्री ओलीको टोली आगामी सेप्टेम्बर ३ तारिखमा नेपाल फर्कने कार्यतालिका छ ।

Read More

काठमाडौं । सरकारले सात दिनभित्र सामाजिक सञ्जाल दर्ताका लागि सार्वजनिकरूपमा आह्वान गर्ने निर्णय गरेको छ ।

बुधबार सिंहदरबारमा भदौ ९ गते बसेको मन्त्रिपरिषद्का निर्णय सार्वजनिक गर्दै सरकारका प्रवक्ता पृथ्वी सुब्बा गुरुङले सामाजिक सञ्जालको प्रयोगलाई व्यवस्थित गर्ने निर्देशिका, २०८० तथा सर्वोच्च अदालतको आदेश बमोजिम सामाजिक सञ्जाल सञ्चालकलाई जिम्मेवार तथा जवाफदेही बनाउन सात दिनको म्याद दिई सञ्चार मन्त्रालयमा सूचीकरणको लागि सार्वजनिक रूपमा आह्वान गर्ने निर्णय भएको जानकारी दिए ।

तोकिएको अवधिमा सूचीकरण हुन नआउने वा सूचीकरणको लागि सम्पर्कमासमेत नआउने सामाजिक सञ्जाललाई क्रमशः नेपालभित्र निष्क्रिय गराउने सरकारले निर्णय गरेको प्रवक्ता गुरुङले बताए । तर, सूचीकरण गरेमा सामाजिक सञ्जाललाई पुनः सक्रिय गराउन सञ्चार मन्त्रालयमार्फत नेपाल दूरसञ्चार प्राधिकरणलाई निर्देशन दिने निर्णय भएको प्रवक्ता गुरुङले बताए ।

Read More