काठमाडौँ । सर्वोच्च अदालतमा रिट निवेदन दर्ता हुन नसकेको घटनाप्रति असन्तुष्टि जनाउँदै कानुन व्यवसायीहरूले सांकेतिक विरोध स्वरूप लालटिन बाल्ने भएका छन् ।
नेपाल बार एसोसिएसनको सोमबार बसेको कार्यसमिति बैठकले अदालतमा रिट दर्ता नै हुन नसक्ने अवस्था सिर्जना भएको भन्दै त्यसप्रति ध्यानाकर्षण गराउने निर्णय गरेको हो ।
नेपाल बारका अध्यक्ष डा. विजयप्रसाद मिश्रका अनुसार न्याय र सत्यको खोजीको सन्देशसहित मंगलबार दिउँसो १ बजे बारको कार्यालय प्राङ्गणमा लालटिन बालेर विरोध कार्यक्रम गरिनेछ ।
