काठमाडौँ । नेपाल राष्ट्र बैंकको मौद्रिक व्यवस्थापन विभागले रु ४५ अर्ब बराबरको निक्षेप सङ्कलन उपकरण बोलकबोल तथा निष्काशन गर्ने आह्वान गरेको छ।
बैंकद्वारा जारी सार्वजनिक सूचनाअनुसार आज दिउँसो ३:०० बजेदेखि अनलाइन बोलकबोल प्रणालीमार्फत योग्य संस्थाहरूले सहभागी हुन सक्नेछन्। उक्त उपकरणको ब्याजदर प्रतिस्पर्धात्मक बोलकबोल प्रक्रियाबाटै निर्धारण गरिने बैंकले जनाएको छ।
बोलकबोल प्रक्रियामा न्यूनतम रु १० करोडदेखि सहभागी हुन सकिने व्यवस्था गरिएको छ भने अधिकतम सीमा कुल आह्वान रकमसम्म रहनेछ। साथै, बोलकबोल रकम रु ५ करोडले भाग गर्दा शेष शून्य हुने गरी प्रस्ताव गर्नुपर्नेछ।
यस बोलकबोल प्रक्रियामा नेपाल राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन सक्नेछन्।
