काठमाडौँ । टेलिटकले नेपाली बजारमा POCO M8 सिरिज अन्तर्गत दुई नयाँ ५जी स्मार्टफोन सार्वजनिक गरेको छ।
शक्तिशाली ब्याट्री, उच्च क्षमताको प्रोसेसर, आकर्षक डिस्प्ले र आधुनिक क्यामेरा प्रणालीसहितका यी स्मार्टफोनले मध्यम मूल्य वर्गका प्रयोगकर्तालाई लक्षित गरेको कम्पनीले जनाएको छ।
कम्पनीका अनुसार POCO M8 5G मा ७,०००mAh क्षमताको ठूलो ब्याट्री दिइएको छ, जसले लामो समयसम्म चार्जको चिन्ता बिना फोन प्रयोग गर्न सकिने सुविधा प्रदान गर्छ। यसमा ३३ वाट टर्बो चार्जिङ र १८ वाट रिभर्स चार्जिङको सुविधा पनि उपलब्ध छ।
फोटोग्राफीका लागि यसमा ५० मेगापिक्सेलको मुख्य क्यामेरा र ८ मेगापिक्सेलको सेल्फी क्यामेरा राखिएको छ। साथै, ६.९ इन्चको फुल एचडी प्लस डिस्प्ले, १४४ हर्जसम्मको रिफ्रेस रेट तथा Snapdragon 6s Gen 3 प्रोसेसरले गेमिङ, भिडियो स्ट्रिमिङ र दैनिक प्रयोगलाई अझ सहज बनाउने कम्पनीको दाबी छ।
त्यसैगरी POCO M8 Pro 5G लाई सिरिजकै प्रिमियम मोडेलका रूपमा सार्वजनिक गरिएको छ। यसमा ६.८३ इन्चको CrystalRes AMOLED डिस्प्ले, १.५K रिजोलुसन, १२० हर्ज रिफ्रेस रेट तथा अधिकतम ३,२०० निट्स ब्राइटनेस रहेको छ, जसले उत्कृष्ट भिजुअल अनुभव दिने कम्पनीले जनाएको छ।
यस स्मार्टफोनमा ५० मेगापिक्सेलको मुख्य क्यामेरा, ८ मेगापिक्सेलको अल्ट्रा-वाइड क्यामेरा र ३२ मेगापिक्सेलको फ्रन्ट क्यामेरा समावेश गरिएको छ। ६,५००mAh ब्याट्री, १०० वाट हाइपरचार्ज र २२.५ वाट रिभर्स चार्जिङ सुविधाले यसलाई अझ प्रभावकारी बनाएको छ। फोनमा ४ न्यानोमिटर प्रविधिमा आधारित Snapdragon 7s Gen 4 प्रोसेसर प्रयोग गरिएको छ।
दुवै स्मार्टफोनमा IP वाटर तथा डस्ट रेसिस्टेन्स सुविधा उपलब्ध रहेको कम्पनीले जनाएको छ, जसले धुलो र पानीका छिटाबाट फोनलाई सुरक्षित राख्नेछ।
टेलिटकका कार्यकारी निर्देशक प्रतीक जालानले आधुनिक प्रविधि, उत्कृष्ट कार्यसम्पादन र किफायती मूल्यलाई एउटै प्याकेजमा उपलब्ध गराउने उद्देश्यले POCO M8 सिरिज नेपाली बजारमा ल्याइएको बताए। उनका अनुसार यी फोनले दैनिक प्रयोगदेखि गेमिङ र मनोरञ्जनसम्म उत्कृष्ट अनुभव दिनेछन्।
POCO M8 5G कालो र सेतो रंगमा उपलब्ध हुनेछ। यसको ६GB र्याम/१२८GB स्टोरेज संस्करणको मूल्य रु. ३७,९९९ तथा ८GB र्याम/२५६GB स्टोरेज संस्करणको मूल्य रु. ४४,९९९ तोकिएको छ।
त्यसैगरी POCO M8 Pro 5G कालो, हरियो र चाँदी रंगमा उपलब्ध हुनेछ। ८GB र्याम र २५६GB स्टोरेज भएको यस मोडेलको मूल्य रु. ५६,९९९ निर्धारण गरिएको कम्पनीले जनाएको छ।
कम्पनीका अनुसार दुवै स्मार्टफोनमा एक वर्षको आधिकारिक वारेन्टी तथा अधिकतम ९ महिनासम्मको ईएमआई सुविधा उपलब्ध हुनेछ।
ग्राहकले यी फोनहरू टेलिटकका आधिकारिक शोरुम, आधिकारिक बिक्रेता तथा दराजमार्फत खरिद गर्न सक्नेछन्।
