काठमाडौं । काठमाडौं जिल्ला अदालतले नक्कली भुटानी शरणार्थी प्रकरणमा जोडिएका भुटानी शरणार्थी नेता टेकनाथ रिजाललाई चारवटा मुद्दामा दोषी ठहर गरेको छ।
अदालतले शरणार्थी परिचयपत्रमा किर्ते गरेको ठहर गर्दै उनलाई सरकारी लिखत किर्तेसम्बन्धी कसुरमा दोषी ठहर गरेको हो। साथै, ठगी तथा संगठित अपराधमा मतियारको भूमिका खेलेको निष्कर्ष निकाल्दै ती अभियोगमा पनि दोषी ठहर गरिएको छ।
नेपाली नागरिकलाई नक्कली भुटानी शरणार्थी बनाएर अमेरिका पठाउने योजनामा संलग्न रहेको भन्दै अदालतले उनलाई राज्यविरुद्धको अपराधमा पनि मतियारका रूपमा दोषी ठहर गरेको छ।
यसैगरी, एकीकृत कसुरअन्तर्गत पनि रिजाल दोषी ठहर भएका छन्। अदालतले सजाय निर्धारण भने आगामी चरणमा गर्नेछ।
