काठमाडौं । सार्वजनिक खरिद अनुगमन कार्यालय (पीपीएमओ) ले सबै सार्वजनिक निकायलाई हालै लागू भएको ‘सार्वजनिक खरिद (दोस्रो संशोधन) ऐन, २०८३’ अनुसार मात्रै खरिदसम्बन्धी काम कारबाही अघि बढाउन निर्देशन दिएको छ।
कार्यालयले सूचना जारी गर्दै असार २५ गते प्रमाणीकरण भई लागू भएको संशोधित ऐनअनुसार नमूना बोलपत्रसम्बन्धी कागजात तयार गर्ने काम भइरहेको जनाएको छ।
नयाँ नमूना बोलपत्र कागजात पूर्ण रूपमा जारी नभएसम्म सार्वजनिक निकायहरूले संशोधित ऐनको व्यवस्था पालना गरी खरिद प्रक्रिया अघि बढाउनुपर्ने पीपीएमओले जनाएको छ। कार्यालयले असार २९ गतेको निर्णयअनुसार यस्तो निर्देशन दिएको हो।
