काठमाडौं । नेपाल दूरसञ्चार प्राधिकरण (एनटीए) को अध्यक्षमा अर्जुन घिमिरे नियुक्त भएका छन्। यसअघि अध्यादेशमार्फत भूपेन्द्र भण्डारीलाई अध्यक्ष पदबाट हटाइएपछि घिमिरेले निमित्त अध्यक्षको जिम्मेवारी सम्हाल्दै आएका थिए।
पछिल्लो मन्त्रिपरिषद् बैठकले घिमिरेलाई प्राधिकरणको अध्यक्ष नियुक्त गर्ने निर्णय गरेको हो। उनको शपथ ग्रहण कार्यक्रम केहीबेरमा सूचना तथा सञ्चार मन्त्रालयमा आयोजना हुँदैछ।
घिमिरे प्राधिकरणमा लामो समयदेखि कार्यरत अधिकारी हुन्। उनले आर्थिक विश्लेषण तथा उपभोक्ता हित संरक्षण शाखामा रहेर काम गरेका थिए। यसअघि उनी प्राधिकरणको उपभोक्ता हित संरक्षण महाशाखा प्रमुखको जिम्मेवारीसमेत सम्हालिसकेका छन्।
