काठमाडौं। हाल देशभर मनसुनी वायुको प्रभाव कायम रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यूनचापीय रेखा सरदर स्थानभन्दा केही माथि नेपालको तराई भूभाग नजिक अवस्थित रहेको छ। यसका कारण देशका अधिकांश क्षेत्रमा सामान्यदेखि पूर्ण बदली रही विभिन्न स्थानमा वर्षा भइरहेको छ। विशेषगरी कोशी, बागमती, गण्डकी र लुम्बिनी प्रदेशका केही स्थान तथा कर्णाली प्रदेशका एक–दुई स्थानमा मध्यम वर्षा भइरहेको महाशाखाले जनाएको छ।
कोशी प्रदेश
आज दिनभर सामान्यदेखि पूर्ण बदली रहनेछ। पहाडी तथा हिमाली क्षेत्रमा मेघगर्जन, चट्याङसहित मध्यम वर्षाको सम्भावना रहेको छ भने हिमाली क्षेत्रमा हल्का हिमपात हुन सक्छ। तराईका केही स्थानमा पनि वर्षा हुने सम्भावना छ। पहाडी भूभागका एक–दुई स्थानमा भारी वर्षा हुन सक्ने भएकाले बाढी, पहिरो र डुबानको जोखिमप्रति विशेष सतर्कता अपनाउन आग्रह गरिएको छ। रातिको समयमा पनि मौसममा खासै सुधार नआउने र पहाडी क्षेत्र तथा तराईका केही स्थानमा भारी वर्षा हुने सम्भावना रहेको छ।
मधेश प्रदेश
मधेश प्रदेशमा आज सामान्यदेखि पूर्ण बदली रहनेछ। अधिकांश स्थानमा मेघगर्जन र चट्याङसहित मध्यम वर्षाको सम्भावना रहेको छ। प्रदेशका केही तराई क्षेत्रमा भारी वर्षा हुन सक्ने भएकाले नदी तथा खोलामा पानीको सतह बढ्न सक्ने जोखिम रहेको महाशाखाले जनाएको छ। रातिको समयमा पनि वर्षाको क्रम जारी रहने सम्भावना छ।
बागमती प्रदेश
बागमती प्रदेशमा दिनभर सामान्यदेखि पूर्ण बदली रहनेछ। पहाडी र हिमाली क्षेत्रमा मेघगर्जन तथा चट्याङसहित मध्यम वर्षा हुने सम्भावना छ भने हिमाली क्षेत्रमा हल्का हिमपात हुन सक्छ। तराईका केही स्थानमा पनि वर्षा हुने सम्भावना रहेको छ। पहाडी तथा तराईका एक–दुई स्थानमा भारी वर्षा हुन सक्ने भएकाले आवश्यक सतर्कता अपनाउन मौसमविद्ले सुझाव दिएका छन्। रातिको समयमा पनि वर्षाको सम्भावना कायम रहनेछ।
गण्डकी प्रदेश
गण्डकी प्रदेशमा आज सामान्यदेखि पूर्ण बदली रहनेछ। पहाडी तथा हिमाली क्षेत्रमा मेघगर्जन, चट्याङसहित मध्यम वर्षा र हिमाली क्षेत्रमा हल्का हिमपातको सम्भावना रहेको छ। तराईका केही स्थानमा पनि वर्षा हुने अनुमान गरिएको छ। पहाडी तथा तराईका एक–दुई स्थानमा भारी वर्षा हुन सक्ने भएकाले पहिरो तथा बाढीको जोखिम बढ्न सक्ने महाशाखाले जनाएको छ। रातिको समयमा पनि यस्तै मौसम रहने सम्भावना छ।
लुम्बिनी प्रदेश
लुम्बिनी प्रदेशमा आज सामान्यदेखि पूर्ण बदली रहनेछ। पहाडी तथा हिमाली क्षेत्रमा मेघगर्जन, चट्याङसहित मध्यम वर्षा तथा हिमाली क्षेत्रमा हल्का हिमपातको सम्भावना रहेको छ। तराईका केही स्थानमा पनि वर्षा हुने अनुमान गरिएको छ। पहाडी तथा तराईका एक–दुई स्थानमा भारी वर्षा हुन सक्ने भएकाले आवश्यक सावधानी अपनाउन आग्रह गरिएको छ। रातिको समयमा विशेषगरी तराईका केही स्थानमा भारी वर्षा हुने सम्भावना रहेको छ।
कर्णाली प्रदेश
कर्णाली प्रदेशमा सामान्यदेखि पूर्ण बदली रहनेछ। हिमाली क्षेत्रका केही स्थानमा मेघगर्जन, चट्याङसहित मध्यम वर्षा तथा हल्का हिमपातको सम्भावना रहेको छ। अन्य पहाडी क्षेत्रमा पनि छिटपुट वर्षा हुन सक्ने अनुमान गरिएको छ। रातिको समयमा पनि यस्तै मौसम रहने सम्भावना रहेको महाशाखाले जनाएको छ।
सुदूरपश्चिम प्रदेश
सुदूरपश्चिम प्रदेशमा पनि सामान्यदेखि पूर्ण बदली रहनेछ। हिमाली क्षेत्रका केही स्थानमा मेघगर्जन, चट्याङसहित मध्यम वर्षा तथा हल्का हिमपातको सम्भावना रहेको छ। अन्य पहाडी तथा तराईका केही स्थानमा पनि वर्षा हुने अनुमान गरिएको छ। रातिको समयमा पनि मौसम बदली रही छिटपुट वर्षा जारी रहने सम्भावना छ।
सतर्कता अपनाउन आग्रह
जल तथा मौसम विज्ञान विभागले कोशी, मधेश, बागमती, गण्डकी र लुम्बिनी प्रदेशका केही स्थानमा भारी वर्षाको सम्भावना रहेकाले ती क्षेत्रमा बाढी, पहिरो, गेग्रान बहाव तथा भूक्षयको जोखिम बढ्न सक्ने जनाएको छ। यसले दैनिक जनजीवन, कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पार्न सक्ने भएकाले आवश्यक सतर्कता अपनाउन तथा विभागबाट जारी हुने पछिल्ला मौसम सूचनाहरू नियमित रूपमा अवलोकन गर्न सबैमा अनुरोध गरिएको छ।
