काठमाडौँ । इलामको चुलाचुली गाउँपालिकामा कार्यरत एक इन्जिनियरलाई सेवाग्राहीबाट ६ लाख रुपैयाँ घुस लिइसकेको अवस्थामा अख्तियार दुरुपयोग अनुसन्धान आयोगले नियन्त्रणमा लिएको छ ।
अख्तियारका प्रवक्ता सुरेश न्यौपानेका अनुसार पुलको रिडिजाइन स्वीकृत गराइदिने तथा ठेक्काको भुक्तानी प्रक्रिया सहज बनाइदिने भन्दै सेवाग्राहीसँग घुस मागेको सूचना र उजुरीका आधारमा कारबाही गरिएको हो ।
अख्तियारको टंगालस्थित केन्द्रीय कार्यालय र इटहरी कार्यालयको संयुक्त टोलीले बुधबार इन्जिनियर (छैटौँ तह) डिल्ली राज खड्कालाई नियन्त्रणमा लिएको हो ।
खड्कालाई दमक नगरपालिका–१ स्थित एक खाजा घरबाट सेवाग्राहीसँग ६ लाख रुपैयाँ घुसरिसवत लिइसकेको अवस्थामा पक्राउ गरिएको अख्तियारले जनाएको छ ।
आयोगका अनुसार घटनाबारे थप अनुसन्धान भइरहेको छ ।
