काठमाडौं । हाल देशभर मनसुनी वायुको प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यूनचापीय रेखा सरदर स्थान आसपास रहेको छ। देशका हिमाली तथा पहाडी भूभागमा सामान्यतया बदली रहेको छ भने कोशी र सुदूरपश्चिम प्रदेशका तराई क्षेत्रमा पनि सामान्य बदली तथा अन्य तराई क्षेत्रमा आंशिक बदली रहेको छ। कोशी, बागमती, गण्डकी र लुम्बिनी प्रदेशका एक–दुई स्थानमा हल्कादेखि मध्यम वर्षा भइरहेको छ।
कोशी प्रदेश
दिउँसो प्रदेशभर सामान्यतया बदली रहनेछ। हिमाली भूभागका केही स्थानमा मेघगर्जन र चट्याङसहित मध्यम वर्षा तथा हिमपातको सम्भावना छ। पहाडी भूभागका धेरै स्थानमा मध्यम वर्षाको सम्भावना रहेको छ भने हिमाली तथा पहाडी भूभागका एक–दुई स्थानमा भारी वर्षा हुनसक्ने महाशाखाले जनाएको छ। तराईका केही स्थानमा पनि मेघगर्जन र चट्याङसहित मध्यम वर्षाको सम्भावना छ। राति हिमाली भूभागका धेरै तथा पहाडी भूभागका धेरै स्थानमा वर्षाको सम्भावना रहेको छ। हिमाली तथा पहाडी भूभागका एक–दुई स्थानमा भारी वर्षा हुनसक्नेछ।
मधेस प्रदेश
दिउँसो प्रदेशका केही स्थानमा मेघगर्जन र चट्याङसहित मध्यम वर्षाको सम्भावना छ। राति पनि तराईका केही स्थानमा मेघगर्जन र चट्याङसहित मध्यम वर्षा हुनसक्ने महाशाखाले जनाएको छ।
बागमती प्रदेश
दिउँसो सामान्यतया बदली रहनेछ। हिमाली भूभागका केही स्थानमा मेघगर्जन र चट्याङसहित मध्यम वर्षा तथा हिमपातको सम्भावना छ। पहाडी भूभागका धेरै तथा तराईका केही स्थानमा मध्यम वर्षाको सम्भावना छ। हिमाली तथा पहाडी भूभागका एक–दुई स्थानमा भारी वर्षा हुनसक्नेछ। राति हिमाली भूभागका धेरै तथा पहाडी भूभागका धेरै स्थानमा वर्षाको सम्भावना रहेको छ। पहाडी तथा तराई भूभागका एक–दुई स्थानमा भारी वर्षा हुनसक्नेछ।
गण्डकी प्रदेश
दिउँसो हिमाली भूभागका केही स्थानमा मेघगर्जन र चट्याङसहित मध्यम वर्षा तथा हिमपातको सम्भावना छ। पहाडी भूभागका धेरै स्थानमा मध्यम वर्षा हुनसक्नेछ। राति हिमाली भूभागका धेरै तथा पहाडी भूभागका धेरै स्थानमा वर्षाको सम्भावना छ। पहाडी तथा तराई भूभागका एक–दुई स्थानमा भारी वर्षा हुनसक्ने महाशाखाले जनाएको छ।
लुम्बिनी प्रदेश
दिउँसो पहाडी भूभागका धेरै र तराईका केही स्थानमा मेघगर्जन तथा चट्याङसहित मध्यम वर्षा हुनसक्नेछ। राति पहाडी भूभागका धेरै स्थानमा तथा तराईका केही स्थानमा वर्षाको सम्भावना छ। पहाडी तथा तराई भूभागका एक–दुई स्थानमा भारी वर्षा हुनसक्नेछ।
कर्णाली प्रदेश
दिउँसो तथा राति पहाडी भूभागका केही स्थानमा मेघगर्जन र चट्याङसहित मध्यम वर्षाको सम्भावना छ। हिमाली भूभागका केही स्थानमा मध्यम वर्षा तथा हिमपात हुनसक्ने महाशाखाले जनाएको छ।
सुदूरपश्चिम प्रदेश
दिउँसो हिमाली भूभागका केही स्थानमा मेघगर्जन र चट्याङसहित मध्यम वर्षा तथा हिमपातको सम्भावना छ। पहाडी भूभागका केही तथा तराईका केही स्थानमा मध्यम वर्षा हुनसक्नेछ। राति पनि हिमाली तथा पहाडी भूभागका केही स्थानमा वर्षाको सम्भावना रहेको छ। तराईका केही स्थानमा समेत मेघगर्जन र चट्याङसहित मध्यम वर्षा हुनसक्ने महाशाखाले जनाएको छ।
भारी वर्षाको सम्भावना रहेका क्षेत्रमा गेग्रान बहाव, बाढी, पहिरो तथा भूक्षयजस्ता प्रकोपको जोखिम रहेकाले आवश्यक सतर्कता अपनाउन महाशाखाले आग्रह गरेको छ। वर्षाका कारण दैनिक जनजीवनसँगै कृषि, स्वास्थ्य, पर्यटन, पर्वतारोहण, सडक तथा हवाई यातायात प्रभावित हुनसक्ने भएकाले मौसमसम्बन्धी सूचनामा अद्यावधिक रहनसमेत सम्बन्धित सबैलाई अनुरोध गरिएको छ
