काठमाडौँ । मंगलबारको प्रि-ओपन सेसनमा नेपाल स्टक एक्सचेन्ज (नेप्से) परिसूचक ३.५५ अंकले उकालो लागेको छ। वृद्धि भएपछि परिसूचक २६५०.७७ विन्दुमा पुगेको छ।
प्रि-ओपन सेसनमा ९२ वटा स्क्रिप्सको २६ हजार ८६१ कित्ता सेयर कारोबार भएको छ। यस क्रममा ७४ लाख ७ हजार १८९ रुपैयाँ बराबरको कारोबार भएको हो।
३५ कम्पनीको मूल्य बढ्यो
कारोबारमा आएका कम्पनीमध्ये ३५ वटाको सेयर मूल्य बढेको छ भने ३३ वटाको घटेको छ। बाँकी १८ कम्पनीको मूल्यमा कुनै परिवर्तन भएको छैन।
यसअघि सोमबार नेप्सेका ७२ कारोबार सदस्यको डाटा सेन्टर रहेको डाटा हबमा प्राविधिक समस्या आएपछि सेयर कारोबार स्थगित भएको थियो। समस्या समाधान भएपछि मंगलबार नियमित कारोबार पुनः सञ्चालनमा आएको हो।
