काठमाडौं । लगातारको वर्षासँगै आएको पहिरोले ललितपुरमा एउटा घर पूर्ण रूपमा भत्किएको छ।
ललितपुर महानगरपालिका–२४ धापाखेलमा पहिरो खस्दा घर नै ढलेको हो। नगर प्रहरी विज्ञ सीताराम हाछेथुका अनुसार पहिरोका कारण सिंगो घर भत्किएको छ।
पहिरोका कारण घर भत्किएपछि घटनास्थलमा आवश्यक उद्धार तथा खोजी कार्यका लागि सम्बन्धित निकाय परिचालन भएको छ।
घटनामा मानवीय क्षति भए–नभएकोबारे भने थप विवरण आउन बाँकी रहेको जनाइएको छ।
