काठमाडौं । जाजरकोटमा ७५ वर्षीय वृद्धको हत्या गरेको आरोपमा प्रहरीले उनकी बुहारीलाई पक्राउ गरेको छ। जुनिचाँदे गाउँपालिका–५ पाँगाका गंगाराम शाहीको हत्या घटनामा उनकी माइली बुहारी शर्मिला शाही पक्राउ परेकी हुन्।
गंगाराम साउन ११ गते राति करिब ८ बजे घरको सिँढीनजिक घाँटीमा धारिलो हतियार प्रहार गरिएको अवस्थामा मृत फेला परेका थिए। घटनास्थलबाट प्रहरीले हत्या गर्न प्रयोग भएको आशंका गरिएको खुर्पासमेत बरामद गरेको थियो।
प्रहरीको अनुसन्धानका क्रममा शर्मिलाको संलग्नता देखिएपछि उनलाई पक्राउ गरिएको हो। पक्राउ परेकी शर्मिलालाई अदालतमा उपस्थित गराई थप अनुसन्धान अघि बढाइएको प्रहरी निरीक्षक तथा सूचना अधिकारी सुधिरकुमार खड्काले जानकारी दिए।
