काठमाडौं । सुदूरपश्चिम प्रदेश सरकारले चालु आर्थिक वर्ष सुरु भएको ८१ दिनपछि बुधबार प्रदेशसभामा बजेट प्रस्तुत गर्ने भएको छ। प्रदेश सरकारको तयारीअनुसार बुधबार साँझ ५ बजे बजेट पेस गरिनेछ। बजेट प्रस्तुत गर्ने प्रयोजनका लागि प्रदेशसभा बैठक बोलाउने निर्णय मंगलबार बसेको कार्यव्यवस्था परामर्श समितिको बैठकले गरेको हो।
प्रदेशसभा सभामुख भीमबहादुर भण्डारीका अनुसार सरकारको बजेट प्रस्तुतिका लागि बैठक आह्वान गरिएको हो। लामो समयपछि आउन लागेको चालु आर्थिक वर्षको बजेट बुधबार प्रदेशसभामा पेस भएपछि त्यसउपरको प्रक्रिया अघि बढ्नेछ।
