काठमाडौं । तनहुँको बन्दीपुर गाउँपालिका–४ गुम्बा नजिक टिपर दुर्घटना हुँदा चालकको मृत्यु भएको छ।
प्रहरीका अनुसार व्यास नगरपालिका–४ का ३६ वर्षीय चुनु श्रेष्ठको दुर्घटनामा ज्यान गएको हो। उनी ग१क ५४६६ नम्बरको टिपर चलाइरहेका थिए।
तीव्र गतिका कारण चालकले नियन्त्रण गुमाउँदा टिपर दुर्घटनामा परेको प्रहरी नायब उपरीक्षक द्वारिकाप्रसाद घिमिरेले जानकारी दिए।
गम्भीर घाइते श्रेष्ठलाई उपचारका लागि पोखरास्थित सैनिक अस्पताल लगिएको भए पनि उपचारका क्रममा सोमबार उनको मृत्यु भएको प्रहरीले जनाएको छ।
