वीरगञ्ज भन्सारको ११ महिनामा रु २.२१ खर्ब राजस्व संकलन, लक्ष्यको ८९ प्रतिशत

काठमाडौं । वीरगञ्ज भन्सार कार्यालयले चालु आर्थिक वर्षको ११ महिनामा रु २ खर्ब २१ अर्ब ७८ करोड राजस्व संकलन गरेको छ। कार्यालयले वर्षभरिमा रु २ खर्ब ४९ अर्ब १९ करोड संकलन गर्ने लक्ष्य लिएकोमा हालसम्म लक्ष्यको ८९ प्रतिशत मात्र पूरा भएको हो।

सूचना अधिकारी उदयसिंह विष्टका अनुसार गत वर्षको तुलनामा यस वर्ष राजस्व संकलन ९ प्रतिशतले वृद्धि भएको छ। गत आर्थिक वर्षको सोही अवधिमा रु २ खर्ब ३ अर्ब ८१ करोड संकलन भएको थियो।

मासिक राजस्व संकलन (चालु वर्ष)

कार्यालयका अनुसार चालु वर्षमा वीरगञ्ज नाका हुँदै करिब रु ८ खर्ब ९० अर्ब मूल्य बराबरका वस्तु आयात भएका छन् भने रु ९९ अर्ब ६६ करोड बराबरका वस्तु निर्यात भएका छन्। गत वर्षको तुलनामा आयात र निर्यात दुवैमा वृद्धि देखिएको छ।

भन्सार विभागले वर्षभरिका लागि रु २ खर्ब ७३ अर्ब ३९ करोड राजस्व संकलनको लक्ष्य तोकेको छ।