काठमाडौं। राष्ट्रिय स्वतन्त्र पार्टी (रास्वपा) का महामन्त्री पदका उम्मेदवार मनिष झाले आफ्नो उम्मेदवारी कायम रहने बताएका छन्।
महाधिवेशनस्थलमा सञ्चारकर्मीहरूसँग कुरा गर्दै झाले आफू ‘आलोकाँचो राजनीति’ नगर्ने स्पष्ट पारे।
यसैबीच, महामन्त्री पदका पाँच आकाङ्क्षीमध्ये केहीले आफ्नो उम्मेदवारी फिर्ता लिई विपीन आचार्यलाई समर्थन गरिसकेका छन्।
झाले प्रतिक्रिया दिँदै भने, “आलोकाँचो राजनीति गर्नु हुँदैन। हिजो राति उम्मेदवारी दिने, आज फिर्ता लिने? सशक्त राजनीति गर्न सक्ने आँट भएकाहरू भिडिरहन्छन्, परिणाम जेसुकै होस्, लागिरहन्छन्।”
महामन्त्री पदका लागि विपीन आचार्य, मनिष झा, रञ्जु दर्शना, गणेश कार्की र सागर ढकाल प्रतिस्पर्धामा रहेका छन्।
