काठमाडौँ। साताको अन्तिम सेयर कारोबार दिन शुक्रबार नेप्से परिसूचक सामान्य अंकले घटेर बन्द भएको छ। यस दिन परिसूचक २ अंकले घट्दै २६४९.५१ विन्दुमा झरेको हो। कारोबारको क्रममा परिसूचक ८.५० अंकसम्म घटेर २६५१.५२ विन्दुमा पुगेको थियो। सो दिन कुल कारोबार रकम २ अर्ब ८३ करोड रुपैयाँ रहेको थियो। यद्यपि नेप्से घटे पनि बिहीबारको तुलनामा कारोबार रकम भने वृद्धि भएको छ। यस दिन ३५९ वटा कम्पनीका ७७ लाख २७ हजार ६४९ कित्ता सेयर ३ अर्ब ९४ करोड ५८ लाख ४ हजार ५५२ रुपैयाँमा खरिद–बिक्री भएका छन्।
यस दिन स्नो रिभर्स, तस्कर पिखुवा खोला हाइड्रोपावर र याम्बलिङ हाइड्रोपावरको सेयर सकारात्मक सर्किट लेभलमा कारोबार भयो भने कालिका लघुवित्त वित्तीय संस्थाका लगानीकर्ताले सबैभन्दा बढी घाटा बेहोरेका छन्, जसको सेयर मूल्य १०.७६ प्रतिशतले घटेको छ। कारोबारमा आएका ३५९ कम्पनीमध्ये ८५ वटाको मूल्य बढ्दा १७० वटाको घट्यो भने २० वटाको मूल्य स्थिर रह्यो। उपसमूहगत रूपमा होटल तथा पर्यटन, हाइड्रोपावर, म्युचुअल फण्ड, नन–लाइफ इन्स्योरेन्स र ट्रेडिङ समूहको उपसूचक बढ्दा बाँकी समूहहरू नकारात्मक देखिएका छन्।
