काठमाडौं। कैलालीमा १५ वर्षीया बालिकामाथि जबरजस्ती करणी गरेको आरोपमा ८४ वर्षीय एक वृद्ध पक्राउ परेका छन्।
पक्राउ पर्नेमा गौरीगंगा नगरपालिका–९ का ८४ वर्षीय वीरबहादुर जाग्री रहेका जिल्ला प्रहरी कार्यालय कैलालीले जनाएको छ।
बालिकामाथि जबरजस्ती करणी गरेको भन्दै परेको उजुरीका आधारमा इलाका प्रहरी कार्यालय मसुरियाबाट खटिएको प्रहरी टोलीले उनलाई बिहीबार दिउँसो पक्राउ गरेको हो।
घटनाबारे प्रहरीले आवश्यक अनुसन्धान अघि बढाएको जनाएको छ।
Category: Others
