काठमाडौं। काठमाडौं उपत्यकाबाट विस्थापित भएका अर्का एक भूमिहीन सुकुम्बासीले आत्महत्या गरेका छन्।
करिब चार महिनाअघि सरकारले काठमाडौंको शान्तिनगर (गैरीगाउँ)स्थित सुकुम्बासी बस्तीमा डोजर चलाएर घर भत्काएपछि टिकाथलीमा डेरा गरी बस्दै आएका करिब ५० वर्षीय चम्बरबहादुर नेपालीले आत्महत्या गरेका हुन्।
घर भत्किएपछि सरकारले दिएको २५ हजार रुपैयाँ राहत लिएर उनी डेरामा बस्दै आएका थिए। नेपालीको परिवारमा श्रीमती र छोराछोरीसहित सात जना सदस्य थिए।
